Na Emmanuel Massaka Michuzi TV
MWENYEKITI wa UVCCM Kata ya Mabwepande Andrew Mashimba amesema kuwa uchaguzi wa mwaka huu ndani ya Chama hakuna kukatwa ambapo mshindi wa kwenda kugombea katika nafasi ya mwenyekiti wa Mtaa na wajumbe watapatikana kwenye boksi la kura.
Viongozi wote watapigiwa kura na wanachama hivyo hakuna mtu atapita Kwa kura za mezani za viongozi kufanya kupendekeza.
Mashimba ameyasema hayo katika mkutano wa Wananchi na Wanachama wa Chama cha Mapinduzi (CCM) Tawi la Mbopo jijini Dar es Salaam.
Amesema kuwa kuwa wananchi wajitokeze katika kujiandikisha katika daftari la wapiga kura kuanzia Septemba 11 hadi 20 huku wana CCM wajiandikishe ndani ya siku Nne zinatosha na sio kusubiri siku ya mwisho ya kujiandikisha.
Mashimba amesema kuwa watu wenye sifa wajitokeze kugombea awa watu wawashawishi wenye sifa ya kugombea kwani hakuna vizingizio kwamba watakatwa na viongozi wa juu.Amefafanua kuwa mwenyekiti wa Chama Dkt.Samia Suluhu Hassan ametangaza utaratibu mzuri wa kufanya kila mwanachama ana haki ya kuchagua na kuchaguliwa.
Hata hivyo amewataka wanachama wa Chama cha Mapinduzi kuendelea kutangaza mafanikio ya serikali ya awamu ya sita katika maendeleo yaliyofanyika kwenye maeneo yao.
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...