flavy

Wadau wapendwa duniani kote mnaosoma blogu hii!

Samahani kwa kuchelewa kuleta taarifa, kwa kweli jana mara baada ya mashindano kulikuwa na hafla ndogo lakini tulishindwa kuondoka mapema kwani Flavia alikuwa ni gumzo kila kona. Kila mtu alitaka kupiga picha naye na kila mtu alitupongeza.

Kama mnavyofahamu Flavia kaingia 10 bora! Nationalo director wengi wamenifuata na kuniopngeza wakisema kuwa Tanzania imekuw mfano bora kwani ni mara yetu ya kwanza na tumepenya 15 bor, na baada ya raundi ya kwanza tumeingia 10 bora! Nchi pekee iliyofika htua moja mbele kwa njia hii ni Botswana ambayo ilitoa mrembo Mpule kama Miss Universe.

Kwa kweli inbidi Tanzania tujipongeze sana, kwani mrembo wetu ameipeperusha vyema bendera. Ingawa nilikuwa mtanzania pekee kwenye ukumbi lakini baada ya kutangazwa 15 bora, waafrika na watu weusi kam vile Curacao na Bahamas walihamisha ushabiki wao Tanzania na walinisaidia kupeperusha bendera.

Lakini muhimu zaidi Flavia alishangiliwa sana na wenyeji wake watu wa Mexico! Mashabiki hawa waliposikia matokeo ya 5 bora na walipoona kuwa Mexico na Tanzania hawajaingia walianza kumzomea mrembo wa Marekani Rachel Smith.

Rachel alidondoka kwenye steji wakati wa mashindano ya vazi la jioni. MAshabiki wa Mexico waliendelea kumzomea mrembo huyu wa Marekani mpaka wakati wa kujibu swali. Ushabiki baadaye ulihama kwenda kwa Brazil na alipotangazwa mshindi kuwa Japan, watazamaji wengi walionekana kutofurahia sana matokeo.

watalaam wa masuala ya urembo wanaendelea kuchambua matokeo ya mwaka huu na wengi wamesema wazi kuwa mwaka huu bara la Asia lilikuwa lishinde. Hata hivyo kulikuwa na ushindi mkali sana kwani mrembo wa Korea alionekana kuwa na vigezo zaidi ya mrembo wa Japan.

Baada ya ushabiki na uzalendo kumalizika, watu wengi wamekubali kwamba moja wa warembo waliotia fora katika mashindano haya ni Flaviana Matata wa Tanzania. Mrembo huyu ana matumaini makubwa sana ya kuendelea kufanya vyema kimataifa hususan katika dunia ya ulimbwende (modeling).

Zawadi la Miss Photogenic limeenda kwa mrembo wa Ufilipno kwa mara ya 3 sasa, jmbo ambalo halijapokelewa vyema na mashabiki na watazamaji kwani wanadai kuwa ameshinda kwa wingi wa kura za uzalendo na si kwa kustahili
Zawadi la Miss Congeniality yaani mrembo wenye ucheshi na laiyepigiwa kura na warembo wenzake ni Miss China.

Maelezo zaidi nitakaporudi, Alhamisi. Flavia anategemea kutua tarehe 2 mijini Dar-es-Salaam. Asanateni sana Watanzania wote kwa ushirikiano na support mliyompatia mrembo wetu. Tanzania juu!!!

Zawadi la Miss Congeniality yaani mrembo wenye ucheshi na laiyepigiwa kura na warembo wenzake ni Miss China.

Maelezo zaidi nitakaporudi Alhamisi. Flaviana anategemea kutua tarehe 2 mjini Dar-es-Salaam. Asanteni sana sana Watanzania wote kwa ushirikiano na mliyompatia mrembo wetu. Hii imedhihirisha kweli kwamba kwamba Tanzania tunapendana na tunapenda mafanikio na Mungu akipenda iko siku tutapata makubwa zaidi - amen

Maria Sarungi-Tsehai

ukitaka kumuona flaviana alivyokuwa akijichanganya bofya hapa