tovuti ya JWTZ

Maafisa wakuu 19 wapandishwa vyeo JWTZ

Mkuu wa Majeshi nchini, Jenerali Davis Mwamunyange tarehe 15-oct-07 aliwavisha vyeo vipya maafisa wakuu 19 wa JWTZ ambao walipandishwa vyeo hivyo na Amiri Jeshi Mkuu Rais Jakaya Kikwete.

Maafisa wanane kati yao wamepangiwa nyadhifa mpya.

Waliopangiwa nyadhifa mpya ni pamoja na Meja Jenerali Wynjones Kisamba aliyekuwa Kamanda wa Brigedi ambaye ameteuliwa Mkuu wa Kwanza wa Kamandi mpya ya Majeshi ya Nchi Kavu ambayo inaundwa kwa mara ya kwanza tangu JWTZ lianzishwe mwaka 1964.

Maafisa wengine waliopangiwa nyadhifa mpya ni pamoja na aliyekuwa Mkurugenzi wa Wanawake Jeshini, Meja Jenerali Zawadi Madawili ambaye anakuwa Mkuu wa Tawi la Mgambo, Brigedia Jenerali Vicent Mritaba anayekuwa Kamanda wa Brigedi na Brigedia Jenerali Charles Jitenga ambaye anakuwa Kamanda wa Brigedi badala ya Meja Jenerali Kisamba.

Wengine ni Brigedia Jenerali Patrick Mlowezi ambaye anakuwa Mkuu wa Shule ya Huduma, Brigedia Jenerali Charles Mzanila anayekuwa Meneja Mkuu wa Kiwanda cha Mazao, Brigedia Jenerali Lilian Kingazi kuwa Mkurugenzi wa Utumishi Jeshini na Brigedia Jenerali Grace Mwakipunda kuwa Mkurugenzi wa Masuala ya Wanawake Jeshini nafasi iliyokuwa inashikiliwa na Meja Jenerali Madawili.

Maafisa Wakuu waliobaki ambao wanaendelea na nyadhifa zao za awali ni Msemaji wa Wizara ya Ulinzi na JKT, Meja Jenerali Alfred Mbowe, Kamanda wa Brigedi ya Mashariki, Meja Jenerali Servas S. Hinda na Ma-Brigedia Jenerali Kelvin G. Msemwa, Albert Kigadye, Sebastian Chiwangu, Daniel Igoti, Salum Kijuu, Farrah Mohamed, Gerald Kiswaga, Julius Mbilinyi na Mabula Mashauri.

Kwa habari hizi na zingine za JWTZ tembelea bofya hapa