baada ya kulikoroga BBA III,Latoya kutua bongo leo

Mshiriki wa Tanzania kwenye Shindano la Big Brother III, Latoya Lyakurwa (pichani), anatarajiwa kurejea nchini leo Jumanne baada ya kuwa mtu wa kwanza kutolewa katika jumba hilo.

Akiongea Jumatatu jioni na kipindi cha Jahazi cha Clouds 88.4FM kinachongozwa na Kepteeeeeeeein Gadna G. Habash, Latoya alisikika akisema ushindani jumbani mle ni mkali na kwamba washiriki hubadirika kama kinyonga kadri siku zinavyoenda.

Alisema ule ni mchezo na kuna kushinda ama kushindwa na kwamba haikuwa lazima historia ya mafanikio ya kina Mwisho na Richard ijirudie kwake, kwani kila kitu kinapangwa na Mungu.

Latoya alielezea nia yake ya kuwa mtangazaji katika TV endapo kama atapata shavu hilo, na kwamba yu tayari kuhamishia makazi yake Dar toka A-taun alikokuwa akiishi siku zote.

Aidh, amedaiwa kuponzwa na vitu vitatu ndani ya mchuano huo unaoendelea nchini Afrika Kusini, kwa mujibu wa http://www.bongocelebrity.com./

Globu hiyo inayotamba kwa kunadi mselebriti wa kibongo popote walipo duniani, imesema kitendo cha Latoya cha ‘kukandamiza malavidavi’ na Ricco wa Angola ni pointi ya kwanza ambayo ilimuondolea sifa ya kuendelea kubaki ndani ya mjengo.

Pointi ya pili ni pale aliponaswa na kamera akila denda na Moris wa Uganda, wakati huo huo mara kadhaa akawa anachojoa mbele ya wenzake, tabia ambayo haiendani na maadili ya Mtanzania na Muafrika kwa ujumla.

Kufuatia hali hiyo, Latoya atatakiwa kuwaomba radhi Watanzania kutokana na kuchafua ‘hali ya hewa’ ndani BBA ambayo ilisafishwa vizuri na Mwisho Mwampamba mwaka 2003 na Richard Bezuidenhout mwaka jana.

Pamoja na hivyo Jumamosi iliyopita, Latoya alionesha uzalendo wa kutosha kwa kuzifagilia baadhi ya kazi za wasanii, Hamisi Mwinjuma ‘Mwana FA’ na Joseph Haule ‘Prof. Jizze’ ambazo zilionesha kumpagawisha kwa sana.

chumba maalum walimowekwa na Tawana wa Botswana wakati wakisubiri mmoja wao kutoka, akiweka CD zenye nyimbo za wasanii hao na kucheza kwa hisia.Mbongo huyo ambaye kwa upande mwingine alionekana kama amekumbuka nyumbani alianza kupagawa na ngoma za Mwana FA, ikiwemo inayotamba hivi sasa, ‘Bado Nipo nipo’, kisha akabadilisha na kuweka CD yenye nyimbo za Profesa Jay, kitu ambacho kilimfanya apandishe mzuka zaidi wa kucheza na kuimba, hasa aliposikia kazi kama ‘Hapo Vipi’, ‘Ndivyo sivyo’ na ‘Nang’atuka’.

Pamoja na mabaya yote aliyoyafanya mjengoni humo, http://www.bongocelebrity.com/ inampa ‘big up’ za kutosha Latoya kwa kuonesha uzalendo huo wa kuzifagilia na kuzipa promo kazi za Wabongo wenzie.

Wakati huo huo, mshiriki kutoka Kenya, Sheila anaendelea kupeta kimapenzi na Takondwa ‘TK’, kitendo kinachowafanya washiriki wengine wakae wakinong’ona juu yao.