MAREHEMU MOHAMED ABDUL SHAKUR AAGWA ITALY

Mdogo wa marehemu Pama (DULLAH) aliyeshika Jeneza baada ya kushiriki katika kuosha mwili,tayari kwa kufanya maombi ya pamoja. Blog hii kwa niaba ya uongozi wa Jumuiya ya Watanzania Italy na watanzania wote unatoa salaam za rambirambi na pole kwa familia ya mzee Shakur,pamoja na kuwa msiba huu ni wetu sote.Pia shukrani,rambirambi na pole kwa mdau wetu Dullah kwa kuondokewa na kaka yako,uongozi wa jumuiya umeridishwa sana na ushirikiano wako wa karibu katika kipindi hiki kigumu cha msiba,tunamuomba Mungu akupe wewe pamoja na familia yote uvumilivu.

MUNGU AILAZE ROHO YA MAREHEMU MAHALA PEMA ,DAIMA ATAKUMBUKWA NA WADAU WA HAPA ITALY NA SEHEMU ZOTE ANAZOFAHAMIKA. AMIN!!

Mwenyekiti wa jumuiya akiwa na Sheikh Bin Rajab tayari kwa kuanza maombi na dua kwa marehemu.

Watanzania kibao jana walikusanyika kuaga mwili wa marehemu PAMA aliyefariki siku ya tarehe 5/01/2009.
Pichani watanzania wakiwa katika dua ya pamoja iliyoongozwa na Sheikh Maulid Bin Rajab ambaye ni sheikh wa jumuiya ya Watanzania Italy aliyeongozana na viongozi na wajumbe wa Tawi la jumuiya ya watanzania kutoka MODENA. Mwili wa marehemu utaondoka Rome siku ya jumanne tarehe 13/1/2009 kupitia Amsterdam kwa ndege ya shirika la KLM, na unatarajiwa kuwasili nyumbani Dar kwa mazishi siku ya jumatano 14/01/2009 saa 22:40. na ndege ya shirika la KLM namba 569.

(KWA PICHA NA HABARI ZAIDI: http://www.tnzncommunity.blogspot.com