vodacom yamwaga mkwanja kwa TFF na vifaa kwa kila timu leo

naibu waziri wa habari na michezo mh. joel bendera (shoto) akikabidhi hundi kwa katibu mkuu wa tff frederick mwakalebela ambazo zitasaidia kuendesha ligi kuu ya vodacom inayoanza hivi karibuni kwenye sherehe za kukabidhi fedha na vifaa iliyofanyika hoteli ya giraffe motel jijini dar leo. wengine katika picha ni mama yasoda naibu mkurugenzi wa michezo, bosi wa mssoko wa vodacom ephraim mafuru, na meneja wa udhamini wa vodacom

mh. bendera akikabidhi kifaa cha kubadilishia wachezaji kwa makalebela

gebo peter ambaye ni kiongozi wa manyema fc akipokea vifaa

afande akipokea vifaa kwa ajili ya JKT Ruvu

Kiongozi wa Lyon akipokea uzi wao

Azam FC nao wakabidhiwa vyao

simba ya yuda mwina kaduguda akipokea vifaa kwa niaba ya simba

abdul masmaki apokea vifaa kwa niaba ya kagera sugar na mtibwa

lucas kisasa wa yanga akipokea vifaa vayo


Kampuni ya simu za mkononi ya Vodacom Tanzania imekabidhi vifaa vya michezo kwa Vilabu vinavyoshiriki Ligi Kuu ya Vodacom.

Naibu Waziri wa Habari, Utamaduni na Michezo, alikabidhi vifaa hivyo kwa wawakilishi wa vilabu na kuipongeza Vodacom kwa udhamini wake huo.Vifaa hivyo ni kwa msimu wa mwaka huu.

Naye Mkuu wa Udhamini na Mawasiliano wa Vodacom Tanzania, George Rwehumbiza alisema udhamini wa Kampuni yake kwa Ligi kuu ya Vodacom umekuwa ukiboreshwa mwaka hadi mwaka.

Alisema msimu uliopita udhamini wa Vodacom kwa TFF ulikuwa ni karibu shilingi milioni 600, udhamini wa vifaa kwa timu ulikuwa shilingi milioni 230 wakati promosheni ya soka kwa mikoa isiyo na timu kwenye Ligi Kuu ya Vodacom ilikuwa ni shilingi milioni 150, jumla ilikuwa ni shilingi milioni 850.

Alisema mwaka huu, udhamini kwa TFF ni shilingi milioni 613, vifaa milioni 260, promosheni ni shilingi milioni 200.

“Bado tuna kusudia kuboresha udhamini wetu mwaka hadi mwaka,” alisema
Alisema mkataba huo wa udhamini unahusisha gharama za vifaa michezo pamoja na usafiri kwa vilabu vyote, gharama za uendeshaji za Shirikisho la Mpira wa Miguu Tanzania (TFF), posho za Waamuzi na Makamisaa pamoja na usafiri kutoka kituo kimoja kwenda kingine ikiwa ni jumla ya shilingi Bilioni moja na Milioni mia moja.

Alisema mbali na mchezo wa Soka kwa timu za wakubwa, Vodacom Tanzania imekuwa ikishiriki katika soka la vijana.

“Tuna programu za kusaka na kuviendeleza vipaji vya soka kwa vijana maarufu kama Vodacom Global Soccer Star (VGSS) na pia tunadhamini kituo cha kuendeleza soka kwa Vijana yaani Tanzania Soccer Academy (TSA,” alisema