mwanajeshi aua wanajeshi wenzie wawili kigoma na kutokomea

Askari wa Jeshi la Wananchi wa Tanzania (JWTZ) Private Yusuph Haji Hussein juzitarehe 23/11/2009 aliwapiga risasi na kuwasababishia kifo askari wenzake wawili.

Taarifa iliyotolewa na Kurugenzi ya Habari na Uhusiano ya JWTZ imewataja waliouawakuwa ni Private Hildiphonce Burunja Masanja mwenyeji wa Shinyanga na Praiveti Rashid Hasani Nawawi kutoka Zanzibar.

Tukio hilo lilitokea katika eneo la Manyovu wilayani Kasulu mkoani Kigoma kwenyekiteule cha kitambuka ambapo askari hao wapo kulinda mkapa kati ya Tanzania naBurundi.

Taarifa hiyo imesema kuwa siku ya tukio, Priveti Huseein alipewa ruhusa kwenda benkmjini Kasulu kuchukua mshahara wake. Aliporejea majira ya saa moja jioni na kuwakuta askari wenzake wane wakiwa wanakula chakula akawaambia, “maskini anaishi muda mrefu kwa tabu nyingi na tajiri anaishi muda mfupi kwa raha nyingi.”

Baada ya maneno hayoo aliingia katika chumba cha silaha na kuchukua bunduki aina yaSMG moja yenye nambari 6760 na risasi 30 na kumpiga Private Masanja risasi mbili kichwani, na risasi nyingine katika mkono wa kushoto. Masanja alifariki palepale.

Kwa mujibu wa taarifa hiyo, baada ya tukio hilo, askari wenzake walikimbilia porini. Priveti Hussein kwa mara nyingine aliingia katika chumba cha silaha na kuchukuarisasi 120 na kisha kuchoma moto chumba chake na vyumba vya wenzake, kisha akaelekea makao makuu ya Kiteule hicho.

Akiwa njiani kiasi cha kilometa mbili, askari huyo aliyeajiliwa mwaka 2002,alikutana na askari mwenzake Private Nawawi na kumpiga risasi zilizomsababishia kifo. Private Nawawi alikuwa akitokea mjini Kigoma ambako naye aliruhusiwa kwenda kuchukua mshahara wake.

Baada ya tukio hilo, mtuhumiwa alitelekeza silaha hiyo pamoja na risasi 92 na kutokomea kusikojulikana. Risasi nyingine 51 hazijulikani mahali zilipo. Chanzo cha mauaji hayo bado hakijajulikana. Jeshi la Polisi kwa kushirikiana na askari wa JWTZ wanaendelea kumtafuta.