msondo ngoma yaibua vifaa vipya viwili

Super Malik (shoto) na Muddy Clever

BENDI kongwe ya muziki wa Dansi nchini ya Msondo Music imewanyakuwa waimbaji, Hamisi Tenguweni'Super Maliki' akitokea bendi ya Makoba Bandi ambapo amewai kuimbia bendi ya TOT plas na Shikamoo Jazz zote za jijini Dar es salaam pamoja na Mohamedi Mwerevu 'Muddy Clever' akitokea bendi ya Maruni Komando,ambapo ameshawai kuimba katika bendi za Nyota Soundi Afrika na Lessi Wanyika zote za Kenya

Msemaji wa Msondo Rajabu Mhamila 'Super D' ameiambia Globu ya Jamii kuwa wameamua kuwachukuwa waimbaji hawo kwa kuwa wana uwezo wa kuisaidia bendi na sasa wameshaanza kupanda katika jukwaa la bendi hiyo ambapo mpaka sasa tunajipanga kutoa nyimbo mpya za mwaka uhu baada ya mwaka jana kutambulisha albamu yetu ya huna shukrani na kuwa ipo mtaani kwa sasa inauzwa,

Wakati huohuo, bendi hiyo kwa sasa imekuwa ikitoa burudani za wazi katika kuwaweka karibu wapenzi wake ambapo kila jumamosi Msongo wanakuwa katika viwanja vya TCC Chan'gombe na jumapili huwa Leaders Club.

Mpaka sasa Msondo wana nyimbo mbili mpya moja ni 'Lipi jema' uliotungwa na Eddo Sanga na 'Dawa ya Deni kulipa' wa Isihaka Katima 'DJ Papa upanga'

"Sambamba na burudani hizo pia tumejipanga kutoa nyimbo mpya kila baada ya wiki tatu ili kukamilisha albamu ya mwaka huu mapema kadri iwezekanavyo", alisema Mhamila

Akitoa wito kwa wapenzi wa bendi hiyo kuhudhulia kuona maonesho yao popote yafanyikapo kwani kuna burudani ambazo azihitaji kuadithiwa