yanga ugahibuni yaliambisha simba ya huko 5-2

Mgeni rasmi afisa ubalozi Mh. Suleiman Saleh akikagua timu ya Yanga ambao wachezaji wake wanaonesha kusita kutoa mikono. Mh. Saleh aliwahi kuwa msaidizi wa mfadhili mkuu wa simba Mo Dewji alipokuwa Dar
Mgeni rasmi baada ya kuikagua Yanga akakuta Simba nao wanasita kutoa mikono

Mashabiki na kocha wa Yanga Yasin Randi

(mwenye fulanazzz ya kijani) wakifuatilia mpambano
mchezaji wa Yanga Dedi Luba akiruka juu kujaribu
kufunga goli la kichwa,lakini mpira ulitoka

golikipa wa Yanga Feisal Omar(mwana njenje)akiokoa moja ya hatari golini kwake

Kikosi cha Yanga Ughaibuni kabla ya gemu
Kikosi cha Simba Ughaibuni kabla ya pambano

Na Ripota wetu, DC
Ile mechi ya Simba na Yanga za ughaibuni iliyofanyika wikiendi hii Washington DC, Marekani, imeishia kwa Simba kula kipigo cha mabao 5-2 zidi ya mahasimu wao Yanga. Ni Simba ndio iliyokua na nafasi kubwa ya kuibuka mshindi kwenye mpambano huo lakini wenzao wa Yanga ilionekana kuwazidi maarifa hasa kwenye kipindi cha pili. Mpaka mapunziko timu zote zilikua zimefungana 2-2.

Wakati wa kugagua timu kabla ya mchezo, Yanga walitaka mgeni wa heshima afisa balozi Mh.Suleiman Saleh aanze kwao badala ya Simba kwa wasi wasi kwamba bahati inaweza kuwa si yao kwa mpambano huo,na hii ilitokana na ushauri wa kamati ya ufundi ya wana jangwani hao.

Hatimaye, mpira ulianza kwa kasi huku Simba wakilisakama lango la Yanga kama nyuki lakini ulinzi mkali wa mabeki wa Yanga uliokua kiongozwa na Muly na Tif ukishirikiana Jongo na Jack wakisaidiwa na viungo Yahaya, Marley, na Haji uliweza kuzuia mashambulizi ya Simba.

Kunako dakika ya 30 Ebra Nyagaly aliandikia Yanga bao la kuongoza pale alipomchagua Kipa Julius Katanga na kumpelekea mzigo nyavu ndogo.

Kuona hivyo Simba walimtoa beki wao wa kutumainiwa Rashid Beach Boy na kumuingiza Salum aliyeonekana njia ya mkato pale alipomsindikiza Haji hadi akaweza kufunga bao la pili kwa kiki kali iliyomuacha kipa wa Simba akigalagala asijue la kufanya.

Baada ya bao hilo Simba walizinduka usingizini na kuanza kuliandama goli la Yanga kama mnyama aliyejeruhiwa na kuandika bao la kwa kunako dakika ya 40, bao lililogomewa na wachezaji wa Yanga kwa madai kuwa mfungaji Mashaka alimkanyaga kipa kabla ya kufunga baada ya kipa Feisal Omar(mwana Njenje) kuutema mpira uliopigwa kama adhabu ndogo na mchezaji hatari wa Simba Rahim. Kwa mshngao wa wengi Refa Mohamed Said kutoka Misri alilikubali bao hilo.


Bao hilo la Simba ni kama liliongezea timu hiyo ya msimbazi uhai na kuendelea kuwashambulia Yanga kama nyuki na kunako dakika ya 43 Shabani Mwaita aliwafungia Simba bao la kusawazisha kwa shuti kali ndani ya 18 na kumuacha kipa wa Yanga akiusindikiza mpira wavuni kwa macho. Ikawa mapumziko.

kipindi cha pili kilianza kwa Yanga kulishambulia goli la Simba, mashambulizi yaliyozaa matunda dakika 56 kwa supa sab Mussa kufunga goli kwa shuti nje ya 18, Goli hilo lilionekana kuwakatisha tamaa Simba kitu kilichofanya Yanga waendelee kuliandama goli la Simba kama Nyuki na kunako dakika ya 76 ni Haji aliyepeleka Msiba Msimbazi kwa kufunga goli zuri kwa kutia kimiani majalo toka wingi ya kulia Yahaya Kheri.

kunako dakika ya 86 Yanga walimuingiza Bingo Jr badala ya Dedi Luba ambaye dakika ya 88 alipigilia msumari wa mwisho na kuandika bao la 5 ambalo lililzima matumaini na ndoto za mahasimu hao kwa mwaka huu kua ni wao.

Rashid Mkakile(Bamchawi) alisikika akisema wao kama Simba hawatacheza mechi na Yanga kwenye wanja hilo la Kalmia walisikika viongozi na wapenzi wakisema kiwanja hiki nuksi bora turudi Meadowbrook pk.

kitendo kingine kilichokuwa si cha kawaida ni mchezaji wa kutumainiwa wa Yanga Hussein Ebrahim kuichezea Simba na baade ilibidi wamtoe kwa washabiki wakidai "mtoto Yanga huyo toa nje hawezi kuifunga timu yake".

Mpaka dakika 90 YANGA 5, SIMBA 2 na kuna habari kwamba Simba wameitisha kikao kumjadili mwanachama wao aliyelamba pesa kibao kumleta fundi toka Mombasa kurekebisha mambo.