Ngeleja ahudhuria Kongamano la Kimataifa la Biofueli, 2010 lafanyika Sevilla, Spain.

Waziri wa Nishati na Madini, Mheshimiwa William Mganga Ngeleja, leo ametoa hotuba iliyojikita kwenye masuala ya Biofueli na uendelevu wake kwa mtazamo wa Tanzania, hapa Sevilla nchini Hispania akimwakilisha Rais Jakaya Mrisho Kikwete kwenye Kongamano la Kimataifa la Biofueli, 2010.

Kongamano hilo litakalodumu kwa siku mbili, limewaleta pamoja viongozi wa sekta za viwanda, wawakilishi wa serikali na asasi zisizokuwa za kiserikali, wakichambua na kujadili masuala ya Biofueli ulimwenguni ili kurejesha matumaini kuhusu umuhimu wa biofueli na kubainisha mikakati mahususi itakayofanikisha biashara yake na uendelevu wa muda mrefu wa sekta hii.

Kongamano la Kimataifa la Biofueli 2010, ni la tisa katika mfululizo wa makongamano ya aina hii yanayoandaliwa kila mwaka na taasisi za F.O. Licht na Focus Abengoa Foundation.

Pichani juu ni Mhe. Waziri wa Nishati na Madini, William Mganga Ngeleja, akitoa hotuba maalunu katika kongamano hilo asubuhi ya leo.
Rais wa Taasisi ya Focus Abengoa, Prof Jose B. Terceiro, akitoa hotuba ya ufunguzi wa Kongamano la Kimataifa la Biofueli, 2010 leo asubuhi hapa Sevilla Spain.

Kamishna Msaidizi wa Nishati Mbadala (mbele kushoto) Mhandisisi Ngosi Mwihava na Msaidizi wa Waziri, Sosthenes Masola wakishiriki kwenye mkutano.

Mhe Waziri wa Nishati na Madini, William Mganga Ngeleja (katikati), Kamishna Msaidizi wa Nishati Mbadala, Mhandisi Ngosi Mwihava (wa kwanza kushoto), Msaidizi wa Waziri, Sosthenes Masola (mwisho-kulia) wakiwa katika picha ya pamoja na Waandaaji wa Kongamano la Kimataifa la Biofueli, 2010, nje ya ukumbi wa mkutano, Sevilla, Hispania leo asubuhi.
Picha na Habari na Veronica Simba wa Nishati na Madini)