singida mabingwa wapya kili taifa cup

Mkuu wa mkoa wa Dar es Salaam,Mh. William Lukuvi akikabidhi kombe la ubingwa wa Kili Taifa Cup kwa Kapten wa timu ya Singida,Rajab Mohamed huku mfungaji wa magoli mawili kati ya matatu yaliyoizima timu ya Lindi katika mchezo wa leo,Kelvin Charles akishuhudia.wengine ni Rais wa TFF,Reodger Tenga (kulia) na Mkurugenzi wa masoko wa TBL,David Minja.
Waziri wa Ardhi,Nyumba na Maendeleo ya Makazi,Mh. John Chiligati (kulia),Mkuu wa Mkoa wa Singida,Mh. Parseko Kone (alieshika kombe) wakiwa katika picha ya pamoja na timu ya mkoa wa Singida mara baada ya kupata ubingwa wa Kili Taifa Cup katika mchezo uliomalizika jioni hii dhidi ya Lindi ndani ya uwanja wa Uhuru jijini Dar.Singida imenyakua ubingwa kwa kuichapa mabao 3 - 0 timu ya mkoa wa Lindi.
mshambuliaji wa timu ya Singida,Kelvin Charles akipachika bao la tatu katika mechi iliyochezwa jioni ya leo dhidi ya Lindi katika uwanja wa Uhuru jijini Dar.Singida imeshinda 3 - 0 na kuweza kunyakuwa ubingwa wa Kili Taifa Cup. mshambuliaji wa timu ya mkoa wa Lindi,Omari Matwiko akijaribu kutaka kumtoka kiungo wa timu ya Singida,Rajab Mohamed.

Mkuruenzi wa Masoko wa TBL,David Minja akibadirisha mawazo na wadau mara baada ya kumalizika kwa mchezo wa fainali baina ya Singida na Lindi uliochezwa katika uwanja wa Uhuru jijini Dar.Singida imeshinda 3 - 0.