Oman Air Yazindua Safari zake Dar

Mkurugenzi Mkuu wa Uhusiano wa Shirika la Ndege la Oman Air, Philippe Georgious, akizungumza na Waandishi wa Habari Jijini jana juu ya kuanza upya kwa safari za ndege za shirika la Oman Air, kushoto ni Mkurugenzi wa Masoko wa shirika hilo,Mohammed Mubarak Al- Shikely,kulia ni Ejaz Khan Meneja wa Ukanda wa Afrika na Uarabuni.

Kuanzia sasa Oman Air itaanza safari

zake mfululizo kati ya miji ya muscat na Dar-es-salaam.

Safari hizo Uwanja wa ndege wa kimataifa wa Muscat kila siku ya jumamosi, Jumatatu na Jumatano kwa wiki, Ndege Zitakazo geuza kurudi Muscat Zitaanzia safari katika kiwanja cha kimataifa cha Julius Nyerere, Dar-es-salaam na kupitia vituo vingine kuelekea Muscat.
Oman Air inaruka katika vituo 38 Duniani.

Mkurugenzi mtendaji wa Oman Air, Peter Hill Anasema: “Oman Air imedhamiria kupanua zaidi wigo wake wa kibiashara kwa kuiongezea Dar es Salaam kwenye safari zake na tumelifanyia kazi hili kwa bidii bila kuchoka ili kuhakikisha tunatimiza malengo yetu.

Mkurugenzi huyo anasema ‘‘ Tukiwa na historia nzuri ya siku nyingi ya kibiashara baina ya Tanzania na Oman tuna uhakika mkubwa sana wa kuendelea kujenga na kuendeleza uhusiano huu wa nchi hizi mbili kupitia huduma zetu za oman Air.

Anasema ikijulikana kwa vivutio vyake vya asili, Dar-es-salaam inatazamiwa kuwa na umaarufu wasafari za kitalii zaidi kutoka duniani kote kulingana na thamani yake, Pia kama sehemu maalum ya kufurahia mapumziko ya likizo kubwa za mwaka.

Huduma zetu katika nchi yenye mvuto wa kipekee zitaambatana na wasafiri wenye kutambua vitu vizuri na wenye uchaguzi mzuri wan chi nzuri za kitalii kama Tanzania.

Dar es salaam ndio mji mkubwa zaidi wa kibiashara katika Tanzania ndiyo maana tunaiunganisha Dar es salaam na Dunia.

Anafafanua kwamba ukiwekwa kama mji wa kitalii na njia kuu ya watalii wanaopitia kwenda kupata mapumziko katika mikoa ya Kilimanjaro, Arusha na Zanzibar tunaamini kwamba tutakua sehemu ya kukuza utalii katika Tanzania.