saba mahakamani leo kwa tuhuma za kuiba bilioni 3

watuhumiwa wakisubiri kusomewa mashtaka leo

Juu na chini watuhumiwa wakifikishwa mahakamani

Jumla ya watuhumiwa 7 wamefikishwa mbele ya Hakimu Mkazi wa Mahakamaya Kisutu, Dar es Salaam, leo wakikabiliwa na makosa 54 ya kughushi nyaraka na kujipatia kiasi cha zaidi ya biloni 3 mali ya kampuni ya simu TTCL .

Waliofikishwa mahakamani hapo ni mhasibu wa Kampuni ya Simu ya TTCL, Marcus Masila na Mtunza Fedha wa Shirikisho la Vyama vya Wafanyakazi, (TUCTA), Joyce Mwamagemo kwa tuhuma za kughushi nyaraka, kusafirisha pesa na kujipatia zaidi ya sh bilioni 3 mali ya kampuni hiyo.

Watuhumiwa wengine ni pamoja na Dickson Maira, Robert Mbweta, Gideon Otullo, Fortunatus Muganzi na Maryah Hostine, walipandishwa mbele ya Hakimu Mfawidhi wa mahakama hiyo, Ilvin Mgeta, kujibu makosa 54 ya awali kwa watuhumiwa sita na mengine 23 kwa watuhumiwa wanne.Katika mashitaka 54.

Akiwasomea mashitaka katika kesi ya pili, watuhumiwa Marcus Masila, Dickson Maira, Robert Mbweta na Gideon Otullo, Wakili Lincoln alidai washitakiwa wanatuhumiwa kwa kosa la kula njama, kughushi baadhi ya vyeti pamoja na makosa mawili ya kusafirisha pesa na kujipatia zaidi ya sh bilioni 3.

Mwendesha mashitaka alidai watuhumiwa walijipatia kiasi hicho cha pesa kutoka kwenye akaunti za kampuni mbalimbali zilizopo katika Benki za Barclays, CRDB, Standard Chartered na Kenya Commercial Bank (KCB), kwa kupitia akaunti ya TUCTA na ile ya TTCL.

Washtakiwa sita wanatuhumiwa kwa makosa ya kughushi nyaraka na moja la kusafirisha pesa ‘money laundry’ na kujipatia zaidi ya sh mil. 800.

wakati mtuhumiwa Joyce Mwamagemo anatuhumiwa kwa makosa 46, ya kughushi nyaraka na kuwasilisha hati feki kwa lengo la kujipatia pesa kutoka kwenye akauti za kampuni mbalimbali zilizopo katika benki zikiwamo za CRDB na NBC.

Akisoma hati ya mashitaka, Wakili wa Serikali kutoka Taasisi ya Kuzuia na Kupambana na Rushwa (TAKUKURU), Ben Lincoln, alidai washitakiwa sita kwa pamoja wanatuhumiwa katika shitaka la nane la kusafirisha pesa, walilofanya kati ya Juni 30 na Agosti 29, mwaka 2008 jijini Dar es Salaam.

Washitakiwa wote wamerudishwa rumande kutokana na kosa hilo kutokuwa na dhamana hadi agosti 8 kesi yao itakapotajwa tena.