PRECISION AIR YAANZA SAFARI ZA HAHAYA nchini COMORO

Abiria wa kwanza kusafiri na Precision Air kutoka Comoro walionekana kufurahia huduma hiyo ya ndege.  Jumla ya abiria walikuwa 110, ndege iliyofanya safari hiyo ni aina ya Boeing 737-300 yenye uwezo wa kubeba abiria 116.

 Afisa Mawasiliano wa Precision Air, Bw. Amani Nkurlu akiwa na wana anga wa shirika la ndege hilo walioshiriki kufanikisha safari ya kwanza ya kwenda na kurudi Hahaya, Comoro,  kutokea Dar es Salaam jumatano iliyopita.

 Mkurugenzi Mkuu na Meneja Mwendeshaji wa Precision Air Bw. Alfonse Kioko akisindikizwa kwenda kupanda ndege na wenyeji wake baada ya uzinduzi mfupi uliofanyika uwanja wa ndege wa kimataifa wa Prince Ibrahim, mjini Hahaya, Comoro. 

 Katibu Mkuu wa Wizara ya Uchukuzi wa serikali ya Komoro Bw. Abdulahi Mwinyi ambaye pia alikuwa mgeni rasmi katika uzinduzi mfupi iliyofanyika uwanja wa ndege wa kimataifa wa Prince Ibrahim aliishukuru shirika la ndege la Precision Air kwa hatua ya kuanza safari nchini mwao. “Hakika hii ni fursa nzuri ya kuendeleza ushirikiano endelevu uliopo baina ya nchi zetu mbili. Bila shaka wakomoro watapata usafiri wa anga wa uhakika hasa hasa katika kuendeleza sekta ya biashara,” alisema.

 Mkurugenzi Mkuu na Meneja Mwendeshaji wa Precision Air Bw. Alfonse (kulia) akikaribishwa na mwenyeji wake Katibu Mkuu wa Wizara ya Uchukuzi nchini Komoro Bw. Abdulahi Mwinyi mara baada ya kuwasili na safari ya kwanza ya shirka ya ndege hiyo kutokea uwanja wa kimataifa wa Julius Nyerere-Dar es Salaam.

 Mkurugenzi Mkuu na Meneja Mwendeshaji wa Precision Air Bw. Alfonse Kioko akiteta na Mwenyekiti wa Galaxy General Sales Agents, Bw. Nassor Ali. Kampuni ya Galaxy ni wakala rasmi wa Precision Air nchini Comoro.

Ndege aina ya Boeing 737-300 ilivyotua kwa mara ya kwanza uwanja wa ndege wa kimataifa wa Prince Ibrahim.