Tatizo la Umeme Zanzibar lapatiwa ufumbuzi

Na Idara ya Habari (MAELEZO),Zanzibar

Hatimaye mafundi wa Shirika la Umeme Zanzibar wamekamilisha matengenezo ya transfoma katika Kituo cha kupokelea umeme Mtoni Kisiwani Unguja.

Ofisa Uhusiano wa ZECO, Salum Abdallah amesema transfoma hilo liliharibika mwishoni mwa wiki ambapo mafundi wa Shirika hilo walifanya jitihada maalum kukamilisha matengenezo kwa wakati ili kuwaondolea usumbufu wananchi.

Amesema kwamba kazi ya kutengenezo trasnfoma hiyo ilifanywa kwa pamoja na mafundi wa Shirika la Ugavi wa Umeme Tanzania(TANESCO) ambapo kazi hiyo ilimazika jana usiku na huduma ya umeme kurejea katika hali ya kawaida.

Amesema baada ya kukamilika kwa matengenezo hayo, mgao wa dharura uliokuwa ukidumu kwa saa zaidi ya moja sasa umemalizika na utaratibu wa kawaida utaendelea.