AFROBINO YAKABITHIWA VITI NA MADAWATI 600 KUSAIDIA SHULE ZA WALEMAVU TANZANIA

Mkurugenzi wa shirika la kusaidia maalbino Tanzania (Afrobino) Bw Babu Sikare akipokea msaada wa Viti 400 na madawati 200 jumla vyenye thamani ya Tsh. Millioni 45 kutoka kwa Mmiliki wa kampuni ya Alexander Global Furniture ya Houston, Texas USA. Bw Alexander

Bw Fumbuka akiionyesha Team ya Afrobino ubora na bei ya baadhi ya bidhaa vinavyopatikana Alexander Global Furniture. Alisema viti na madawati aliyokabidhi, yana uwezo wa kudumu zaidi ya miaka 50 vikitumika vizuri.

Wakiwa wamekaa kwenye madawati yaliyokabidhiwa kwa Afrobino, Bw Sikare akishukuru kwa msaada; alisema katika ziara aliyofanya mapema mwaka huu kutembelea shule za wenye ulemavu Tanzania, aligundua uhaba mkubwa wa madawati kwa wanafunzi. 

Aliongeza kuwa Bw Fumbuka awe mfano wa kuigwa na watanzania kwa kujitolea chochote tunachoweza badala ya kuwa na fikira potofu kuwa wazungu pekee ndio wenye uwezo wa kusaidia.

Pia Sikare alitoa shukurani za dhati kwa kampuni ya HEFEMI Films ya Houston, TX, ESM Travel ya Chicago, IL na Pillarsis Software Systems ya Tanzania kwa muendelezo wa kusaidia albino kupitia Afrobino. Pia ameomba Serikali na vyombo husika kusaidia shirika hilo lisilo la kiserikari la Afrobino kwa kuondoa zengwe bandarini punde container la misaada litakapowasili mwanzoni mwa mwaka 2012.

Pichani, mikononi wote wamevaa band za blue (wristbands) zinazowakilisha Afrobino kwa ishara ya mshikamano

 Tembelea www.afrobino.org au tuma email: info@afrobino.org