Mashindano ya 32 ya Shirikisho la Michezo ya Wizara na Idara za Serikali ( SHIMIWI) morogoro

 Wachezaji wa michezo ya aina mbalimbali ya timu ya Wizara ya Habari, Vijana, Utamaduni na Michezo wakipita mbele ya jukwaa la mgeni rasmi

 Kikosi cha timu ya Ikulu, mchezo wa mpira wa netiboli , wakijpanga kabla ya kuanza mchezo

 Kocha Hellen Siboka (kulia) akiwa na kikosi chake kabambe cha timu ya Ikulu kabla ya kuanza mchezo

 Kikosi cha timu ya mpira wa Netiboli Ofisi ya RAS Kilimanjaro , wakiwa katika picha ya pamoja baada ya kukosa mshindani

Baadhi ya wachezaji na viongozi wa timu ya Netiboli ya Ukaguzi wakitoa uwanjani baada ya sare ya bao 27-27 dhidi ya Uchukuzi

Hapa ni patashika kati ya timu ya Netiboli Wizara ya Kilimo (jezi za mchezaji aliyeshika mpira0  VS timu ya Maji leo ambapo  Kilimo ilishinda bao 32- 22.

Timu ya mpira wa Netiboli ya Ikulu, ikikaguliwa na Mwamuzi , baada ya kumaliza kuikagua timu ya Tume ya Utumishi.

Picha zote na habari John Nditi, 

wa Globu ya Jamii, Morogoro

WAZIRI wa Habari, Vijana , Utamaduni na Michezo, Dk Finella Mukangara, amezitaka Wizara, Idara na Taasisi za Serikali zihakikishe zina kuwa na bajeti ya kutosha ya michezo ili kutafsiri dhana zima ya Serilali

ya kupenda na kuhimiza michezo kazini. Pia amesema  ni wajibu wa kila Wizara, Idara na Taasisi za Serikali ,Vyama vya Michezo na sehemu za jamii kuwajibika kimatendo  katika kukuza na kuendeleza michezo.

Dk Mukangara alisema hayo  Septemba  22, mwaka huu katika hotuba yake ya ufunguzi wa Mashindano ya  32 ya Shirikisho la Michezo ya Wizara na Idara za Serikali ( SHIMIWI)  kwa mwaka 2012 yanayofanyika Mkoani Morogoro na kuwashirikisha  zaidi ya  wanamichezo 3,000 kutoka katika timu 63 za Wizara pamoja na  Idara za Serikali.

Hivyo  alisema  , ni wajibu  wa viongozi wote sehemu za kazi kuendelea kusimamia shughuli za michezo na kuhakikisha watumishi wanashiriki kikamilifu michezo ili waweze kujenga na kuwa wakakamavu wakati wa

kutekeleza majukumu yao ya kila siku.

“Mashindano ya Shimiwi yana umuhimu wa kipekee kwetu sote , hili ni darasa tosha la vitendo katika nidhamu, mshikamano, burdani , uwajibikaji wa mtu mmoja mmoja , makundi mbalimbali na Wizara kwa

ujumla” alisema Dk Mukangara. Waziri Mukangara pia aliupongeza Uongozi wa Shimiwi kwa kuamuzi wake

wakuhusisha makundi maalumu yakiwemoi ya watu wenye ulamavu katika michezo hiyo.

“ Utaratibu huu unaonesha ni kwa kiasi gani mnatambua umuhimu wa kuendeleza michezo kwa watu wenye vipaji bila kuwasahau wenzetu wenye ulemavu na mahitaji maalum …nawapongeza kwa hatua hii” alisema Waziri huyo. Hata hivyo alisema  ni matarajio yake kuwa ushiriki wa watu wenye ulemavu utaongezeka mwaka hadi mwaka na kuhusisha aina nyingi za michezo kwa lengo la kuhakikisha vipaji vya michezo vinaibuliwa na kuendelezwa kwa dhati kama ilivyo kwa wafanyakazi wengine wa Serikali

bila kubaguliwa.

Waziri huo, pia aliwatahadharisha Wanamichezo hao wa Shimiwi kuwa Ukimwi bado ni tatizo kubwa hapa nchini na kasi ya maabukuzi bado ni kubwa , hivyo ni wajibu wao wasijiruhusu kujenga mazingira hatarishi

ya kuambukizana Virusi vya Ukimwi wakati wote wa michezo hiyo.