Kero ya Mdau juu ya Matangazo yanayotumwa kwenye Email za Watu

Habari yako mkuu wa Libeneke.

Mimi naomba msaada wako maana kwa wiki kadhaa sasa nimekuwa nikipata unsolicited emails kutoka kwa watu wanajiita Dar-Insight ambao wanatuma matangazo ya ajabu ajabu ambayo mi hayanihusu, siyataki na yananijazia tu inbox yangu. Ubaya ni kwamba email zao hazina hata option ya ku-unsubscribe. Nimewaandikia mara kadhaa kuniondoa kwenye mailing list yao bila mafanikio kwani bado naendelea kupata email zao kadhaa kila siku.

Sasa naomba msaada kwa wadau kwanza kujua inakuwaje hawa watu wa push tu matangazo yao kwa watu ambao hawakujuandikisha wala kukubali kutumiwa matangazo yao. Sijui hata email yangu waliipata wapi.

Pili naomba kujua kwamba kwa sheria za Tanzania, ni hatua gani naweza kuchukua kuwashughulikia hawa jamaa maana email zao binafso zinanikera sana na nimejaribu njia ya kiungwana ya kuwaandikia email kuwaomba wasinitumie wamegoma kufanya hivyo. So hatua gani naweza kuchukua?

Asante sana, siku njema na sikukuu njema ya kupaa kwa Mtume.

Mdau anayekerwa na Dar-Insight.