NAIBU WAZIRI SILIMA AFUNGUA KIKAO CHA BARAZA LA TAIFA LA USALAMA BARABARANI JIJINI MWANZA LEO

Naibu Waziri wa Mambo ya Ndani ya Nchi na Mwenyekiti wa Baraza la Usalama Barabarani, Pereira Ame Silima akizungumza na Wajumbe wa Baraza la Taifa la Usalama Barabarani kutoka mikoa yote nchini katika mkutano wa baraza hilo ambao unajadili masuala mbalimbali ya jinsi ya kupunguza ajali za barabarani nchini. Kulia ni Kamanda wa Kikosi cha Polisi Usalama Barabarani, Mohamed Mpinga. Mkutano huo ambao unaenda sambamba na Maadhimisho ya Wiki ya Nenda kwa Usalama Barabarani unafanyika katika hoteli ya Malaika Beach Resort jijini Mwanza leo.

Naibu Waziri wa Mambo ya Ndani ya Nchi na Mwenyekiti wa Baraza la Usalama Barabarani, Pereira Ame Silima (wapili kutoka kushoto) pamoja na Kamanda wa Kikosi cha Polisi Usalama Barabarani, Mohamed Mpinga wakisikiliza mada mbalimbali za usalama barabarani zilizokuwa zinawasilishwa katika mkutano wa Baraza la Taifa la Usalama Barabarani lililowajumuisha Wenyeviti na Makatibu wa Kamati za Mikoa yote nchini. Mkutano huo unaenda sambamba na Maadhimisho ya Wiki ya Nenda kwa Usalama Barabarani unafanyika katika hoteli ya Malaika Beach Resort jijini Mwanza leo. Picha na Felix Mwagara, Wizara ya Mambo ya Ndani ya Nchi.