WATAKIWA KUNAWA MIKONO KABLA YA KULA KUJIKINGA MAGONJWA MLIPUKO

 Afisa Afya Mratibu wa Kampeni ya Usafi wa Mazingira wa Halmashauri ya Manispaa ya Iringa Severin Tarimo akizungumza na waandishi wa habari hawapo pichani mkoa wa Iringa kuhusu maadhimisho ya siku ya kunawa mikono,siku ya matumizi ya choo duniani na wiki ya usafi Tanzania inayotekelezwa katika mkakati wa taifa wa kampeni ya usafi  iliyofanyika Ukumbi wa Halmashauri ya Manispaa mkoani Iringa mwishoni mwa wiki.

 Baadhi ya waandishi habari mkoa wa Iringa wakimsikiliza Afisa Afya Mratibu wa Kampeni ya Usafi wa Mazingira wa Halmashauri ya Manispaa ya Iringa Severin Tarimo (hayupo pichani) kuhusu maadhimisho ya siku ya kunawa mikono,siku ya matumizi ya choo duniani na wiki ya usafi Tanzania inayotekelezwa katika mkakati wa taifa wa kampeni ya usafi  iliyofanyika Ukumbi wa Halmashauri ya Manispaa

mkoani (picha zote na Denis Mlowe)

WATAKIWA KUNAWA MIKONO KABLA YA KULA KUJIKINGA MAGONJWA

MLIPUKO

Na Denis Mlowe,Iringa

JAMII imeshauriwa kuchukua tahadhari kwa kunawa mikono kabla na baada ya kula sambamba na kutumia vyoo bora ili kuweza kujikinga na maambukizi ya maradhi ya kuharisha na kutapika.

Ushauri huo umetolewa na Afisa Afya Mratibu wa Kampeni ya Usafi wa Mazingira wa Halmashauri ya Manispaa ya Iringa Severin Tarimo wakati akizungumza na wanahabari wa mkoa wa Iringa kuhusu maadhimisho ya siku ya kunawa mikono,siku ya matumizi ya choo duniani na wiki ya usafi Tanzania inayotekelezwa katika mkakati wa taifa wa kampeni ya usafi  iliyofanyika Ukumbi wa Halmashauri ya Manispaa

mkoani hapa.

Alisema maradhi ya kuharisha bado yanaendelea katika maeneo

mbalimbali ya mkoa wa Iringa hivyo jamii inapaswa kuchukua tahadhari ya 

kujikinga na maaradhi hayo ya kuambukiza kwa kutumia vyoo bora na kunawa 

mikono.

“Tafiti zilizofanyika zimegundua kutokunawa mikono vizuri

kabla ya kula chakula, baada ya kutoka chooni, wakati wowote kama umeshika kitu  

ambacho kinaweza kuleta madhara na kutokuwa na matumizi sahihi ya choo  

kunachangia zaidi ya asilimia 80 ya magonjwa ya kuambukiza kama kuhara, minyoo  

na maralia” alisema Tarimo

Tarimo alisema utafiti unaonesha kuwa kunawa mikono pekee kunapunguza

uwezekano wa kupata maambukizi ya maradhi ya kuharisha kwa Asilimia 50 na hivyo   

kuitaka jamii isipuuzie tabia hiyo ya kunawa mikono kabla na baada ya kula.

Alisema lengo la maadhimisho hayo ni kuhamasisha jamii

kuhusu umuhimu wa tabia za usafi binafsi na usafi wa mazingira katika kulinda   

na kuboresha afya hivyo kila jamii inapaswa kujenga vyoo bora kwa wasio na  

vyoo, kuboresha vyoo duni au vibovu na kuweka maji ya kunawa mikono kwa sabuni.

Alitoa wito kwa shule zote ziwafundishe wanafunzi jinsi ya

kutengeneza kibuyu chirizi na waweke karibu na vyoo vya shule wavitumie na  

kuendeleza elimu hiyo katika mazingira wanayoishi.

Katika tafiti hiyo imebaini kata ya Nduli ni moja ya kata

zilizopo katika kampeni ya usafi kitaifa zilizo na asilimia ndogo ya kaya zenye 

vyoo bora na sehemu ya kunawa mikono.