Tamasha kubwa la watoto kufanyika Dar May 31 na June 1

Tamasha kubwa la watoto la aina yake linaloitwa ‘Extreme Kids Festival’ litafanyika katika viwanja vya Leaders Club, Dar es Salaam, May 31 na June 1 kuanzia saa nne asubuhi hadi saa kumi na mbili jioni. Extreme Kids Festival litapambwa na michezo mbalimbali ya watoto, games, burudani pamoja na semina fupi kwa familia.

Hili ni tamasha kubwa zaidi litakalowakutanisha watoto wengi wa jiji la Dar es Salaam na maeneo ya jirani kufurahia kwa pamoja michezo wanayoipenda zaidi na pia wazazi kujifunza mambo mbalimbali kwa faida ya familia na malezi ya watoto.

Kupitia tamasha hilo, kutakuwa na vibanda mbalimbali vitakavyotoa huduma mbalimbali za familia na wazazi watapata bidhaa bora zaidi kwa ajili ya watoto na familia nzima kwa ujumla. Waandaaji wa Extreme Kids Festival wamesema kuwa kutakuwa na usalama wa hali ya juu kwa watoto na wote watakaohudhuria na kwamba matumizi ya vilevi hayataruhusiwa.

Watu wazima watalipia shilingi 5,000 na watoto watalipia shilingi 3,000 tu kuingia katika tamasha hilo Baada ya Dar es Salaam, tamasha hilo litafanyika pia mwaka huu jijini Arusha, October 4 na October 5, Mt. Meru Hotel Gardens na jijini Mwanza December 6 na December 7 katika uwanja wa Nyamagana.

Hili ni tamasha la kihistoria litakalompa mtoto kilicho bora zaidi na kumpa sababu nyingi zaidi za kufurahi.