HAJAT KIJAKAZI SALUM KYERULA AFARIKI DUNIA, MSIBA UPO MIKOCHENI VICTORIA JIJINI DAR ES SALAAM, KUZIKWA LEO MTONI KIJICHI

Mmoja wa waasisi na viongozi wakongwe wa CCM Hajat Kijakazi Salum Kyerula amefairiki dunia  jijini Dar es salaam jana. Taratibu za mazishi  zinafanyika mikocheni eneo la Victoria karibu na Oil com pamoja na hospitali ya Kairuki,  jijini Dar es salaam. Swala ya maiti itafanyika hapo hapo Mikocheni sambamba na swala ya Ijumaa na baadaye  maziko yatafanyika Mtoni Kijichi, kwenye makaburi ya  njia panda ya Neruka.

WASIFU WA MAREHEMU

HAJAT KIJAKAZI SALUM KYELULA NA RATIBA YA MAZISHI

Hajat  KIJAKAZI SALUM KYELULA alizaliwa tarehe 1/1/1941, katika uhai wake amefanya kazi Radio Tanzania(TBC),  Shirika la Habari la Tanzania (SHIHATA).  PIA  Marehemu kijakazi amewahi kuwa mwenyekiti wa Umoja wa Wanawake Tanzania (UWT)  Wilaya ya Ilala. katibu mkuu wa CCM mkoa wa Morogoro na Kilimanjaro kwa vipindi tofauti.

 Marehemu amekuwa Mbunge wa Taifa kwa takribani miaka 15,  Naibu Waziri  Wizara ya Maendeleo ya Jamii,Jinsia na Watoto, Pamoja na nafasi hizo Bi. Kijakazi ni mwanzilishi wa umoja wa  kina mama wa Regent (Regent Women Neighbourhood -  REWONE),  umoja wa kina mama wa kiislamu MIKOCHENI(SAFINA), na pia alikuwa ni mmoja wa waanzilishi wa msikiti wa Regent Estate.

Marehemu ameacha watoto 7 ,wajukuu 14 na vitukuu viwili.

Innalilah wainailalai Rajiun

                                  RATIBA YA MAZISHI  LEO MTONI KIJICHI, DAR ES SALAAM                                                           

TUKIO	MUDA	MUHUSIKA
KISOMO(SURAT RAHMAN & SURAT YASSIN)	SAA 5:00 ASUBUHI	ABDALLAH KIONGA
WASIFU WA MAREHEMU	SAA 5:50 ASUBUHI	RAMADHANI KITWANA
SADAKA	SAA 6:OO MCHANA
KUELEKEA MSIKITINI KWA SALAT JUMAA NA SALAT JANAIZA	SAA 6:45 MCHANA	ABDALLAH KIONGA
MSAFARA KUELEKEA MTONI KIJICHI	SAA 7:15 MCHANA	MJOMBA MSAKUZI
MSAFARA KUFIKA NYUMBANI KWA MAREHEMU KIJICHI KWA SALAT JANAIZA NA KISHA KUELEKEA MALALONI	SAA 8:15 MCHANA	MJOMBA HAJJI