NEWS ALERT: Baada ya kupotea kwa siku mbili, hatimaye Mzee Paul Sozigwa apatikana akiwa salama salimini

Mzee Paul Sozigwa (pichani) ambaye alipotea tangu Jumapili mchana katika mazingira ya kitatanishi amepatikana akiwa salama salimini.
Kwa mujibu wa ujumbe kutoka kwa familia Mzee Sozigwa, alipatikana jana (Jumatatu) usiku na kwamba hali yake ni njema.  Mzee Sozigwa aliwahi  kuwa Mwandishi wa Habari  wa Rais katika serikali ya Awamu ya kwanza chini ya Mwalimu Nyerere. 
"Asante sana kaka Michuzi. Tunaamini ya kwamba kutokana na tangazo kwenye blog yako imefanikisha zoezi zima na Baba amepatikana jana usiku. Mungu Akubariki sana!" ilisema taarifa hiyo iliyoletwa Globu ya Jamii leo na Salome Sozigwa Mjema

Taarifa ya awali ya familia, mara ya mwisho Mzee Sozigwa alionekana kanisani Mbezi Beach BCIC (kwa Gamanywa) jijini Dar es salaam Jumapili iliyopita saa nane mchana. Kupotea huko kulileta mashaka hasa kwa kuwa Mzee Sozigwa ni mgonjwa wa Alzheimer, na mara nyingi huwa anapoteza kumbukumbu. 

Globu ya Jamii inapenda kuipongeza familia ya Mzee Sozigwa na kuishukuru kwa kuonesha imani yake kwetu wakati wa changamoto hiyo.