TAARIFA YA JESHI LA POLISI MKOA WA MBEYA KWA VYOMBO VYA HABARI AREHE 28.10.2015.

·         JESHI LA POLISI MKOA WA MBEYA LINAWASHIKILIA WATU 158 KWA MAKOSA YA KUFANYA FUJO, VURUGU NA KUHARIBU MALI WILAYA YA RUNGWE. 

·         JESHI LA POLISI MKOA WA MBEYA LINAWASHIKILIA WATU 38 KWA KUFANYA VURUGU NA UHARIBIFU WA MALI WILAYA YA MBOZI.

KATIKA TUKIO LA KWANZA:

MNAMO TAREHE 25.10.2015 KUANZIA MAJIRA YA SAA 07:00 ASUBUHI HADI SAA 16:00 JIONI KULIFANYIKA UCHAGUZI MKUU WA RAIS WA JAMHURI YA MUUNGANO WA TANZANIA, WABUNGE NA MADIWANI. KATIKA JIMBO LA RUNGWE, NDUGU SAUL H. AMON KWA TIKETI YA CCM NA NDUGU JOHN MWAMBIGIJA KWA TIKETI YA CHADEMA NDIO WALIOKUWA WAKICHUANA VIKALI KUGOMBEA KITI HICHO.

WAKATI ZOEZI LA KUHESABU KURA LIKIWA LINAENDELEA KUFANYIKA KATIKA OFISI YA UCHAGUZI JIMBO LA RUNGWE WATU WENGI NA KATIKA HAO WALIKUWEPO WAFUASI WA MGOMBEA UBUNGE KWA TIKETI YA CHADEMA NDUGU JOHN MWAMBIGIJA WALIKUSANYIKA NJE YA JENGO LA HALMASHAURI YA WILAYA YA RUNGWE HUKU NA HAO WAFUASI WA MWAMBIGIJA WALIKUWA WAKIIMBA NYIMBO ZA KASHFA DHIDI YA MGOMBEA WA CCM, MKURUGENZI WA HALMASHAURI NA JESHI LA POLISI AMBAO WALIKUWEPO PALE KUHAKIKISHA KUNAKUWEPO HALI YA AMANI NA UTULIVU WAKATI ZOEZI LA KUHESABU KURA LIKIENDELEA.

ILIPOFIKA MAJIRA YA SAA 16:00 JIONI WAFUASI HAO WALIKUWA WAKIIMBA NYIMBO ZA KASHFA AMBAO ILIONEKANA WAMETOKA WALIOKUWA SEHEMU MBALIMBALI KAMA VILE RUNGWE, MBEYA MJINI, TUNDUMA NA MAKETE WALIANZA KUFANYA FUJO NA VURUGU KWA KUWAZOMEA ASKARI NA KUWASHAMBULIA KWA KUTUMIA MAWE, CHUPA NA FIMBO KWA MADAI YA KUTAKA MATOKEO YATANGAZWE WAKATI ZOEZI LA KUHESABU KURA LIKIWA LINAENDELEA.

KUFUATIA VURUGU HIZO, JESHI LA POLISI LILIBIDI KUWATAWANYA WATU WALE KWA KUTUMIA MABOMU YA MACHOZI NA KUPELEKEA WATU HAO KUTAWANYIKA NA KUANZA KWENDA MAENEO MBALIMBALI NA KUFANYA FUJO NA KUHARIBU MALI ZA WATU KWANI WALICHOMA MOTO BAJAJI MOJA ILIYOKUWEPO KARIBU NA ENEO LILE, KUVUNJA MADUKA YA WATU NA KUPORA MALI, KUCHOMA MOTO MATAIRI KWENYE BARABARA YA LAMI, KUFUNGA BARABARA KUU ITOKAYO MBEYA KWENDA KYELA KWA KUWEKA MAWE NA MAGOGO YA MITI NA KUCHOMA MOTO HALI ILIYOPELEKEA KUSABABISHA BUGHUDHA NA WATU NA WATUMIAJI WENGINE WA BARABARA.

JESHI LA POLISI KWA KUSHIRIKIANA NA VYOMBO VYA DOLA, WALIFANYA OPERESHENI YA PAMOJA ILI KUDHIBITI VITENDO VYA KIHALIFU VILIVYOKUWA VIKIFANYWA NA WAFUASI HAO AMBAO WALIHAMIA MITAA MBALIMBALI. KUFUATIA OPERESHENI HIYO, WATU 158 WALIKAMATWA KUTOKANA NA MAKOSA HAYO YA KUFANYA VURUGU/FUJO, KUCHOMA BARABARA, KUHARIBU MALI NA UPORAJI.  JESHI LA POLISI KWA KUSHIRIKIANA NA VYOMBO VINGINE VYA DOLA – ASKARI WA JWTZ WALIFANIKIWA KURUDISHA HALI YA AMANI NA KUIFANYA BARABARA HIYO KURUDI KATIKA HALI YA KAWAIDA NA MAGARI KUENDELEA NA SAFARI.

WATUHUMIWA WAMEFIKISHWA MAHAKAMANI TAREHE 27.10.2015 KUHUSIANA NA MAKOSA YA KUFANYA FUJO, VURUGU, KUCHOMA BARABARA MOTO, UPORAJI NA KUSABABISHA UVUNJIFU WA AMANI. PAMOJA NA KWAMBA WALIOKAMATWA WAMESHAPELEKWA MAHAKAMANI, BADO TUNAENDELEA KUWATAFUTA WENGINE AMBAO BADO HAWAJAKAMATWA ILI WAKAMATWE NA WAFIKISHWE MAHAKAMANI KWA HATUA ZAIDI ZA KISHERIA.

KATIKA TUKIO LA PILI:

MNAMO TAREHE 26.10.2015 MAJIRA YA SAA 19:00 JIONI HUKO KATIKA JIMBO LA VWAWA, WILAYA YA MBOZI, MKOA WA MBEYA WAKATI ZOEZI LA KUJUMLISHA MATOKEO YA UBUNGE LINAENDELEA KUNDI LA VIJANA WANAOSADIKIWA KUWA NI WAFUASI WA CHADEMA LILIJITOKEZA NA KULETA VURUGU KATIKA MAENEO MBALIMBALI YA KATA YA MLOWO KWA MADAI YA KUSHINIKIZA MATOKEO YA UBUNGE JIMBO LA VWAWA YATANGAZWE HARAKA.

KUFUATIA MADAI HAYO, KUNDI HILO LA VIJANA LILIANZA KUFANYA UHARIBIFU MKUBWA WA MALI NA SAMANI KATIKA MAENEO MBALIMBALI YA JIMBO HILO NA KATA YA MLOWO. MIONGONI MWA MALI ZILIZOHARIBIWA NI PAMOJA NA, GARI T.763 CPD AINA YA NISSAN YENYE THAMANI YA TSHS. 85,000,000/= MALI YA GEORGE EMMANUEL MKAZI WA MLOWO AMBALO LILICHOMWA MOTO.

OFISI YA MTENDAJI KATA YA MLOWO ILIHARIBIWA NA SAMANI ZILIZOKUWEMO KUTEKETEZWA KWA MOTO. THAMANI YA UHARIBIFU HUO INAKADIRIWA KUWA NI TSHS. 4,950,000/=. MAJIRA YA SAA 20:00 USIKU WAFUASI HAO WA CHADEMA WALIMJERUHI DEOGRATIAS KAPESA (40) MKAZI WA MLOWO KWA KUTUMIA JIWE.

MAJIRA YA SAA 20:20 USIKU GARI T.206 DCA AINA YA RAV 4 LENYE THAMANI YA TSHS 13,000,000/= MALI YA TWEEDSMRY ZAMBI (61) LILICHOMWA MOTO NA KUHARIBIKA KABISA. GARI HILO LINASADIKIWA MMILIKI WAKE NI NDUGU WA ALIYEKUWA MGOMBEA WA KITI CHA UBUNGE KWA TIKETI YA CCM JIMBO LA MBOZI Mhe. GODFREY ZAMBI.

PIA KATIKA VURUGU HIZO, PIKIPIKI YENYE NAMBA T.115 ACP MALI YA TWALIB MWANGA ILICHOMWA MOTO NA WAFUASI HAO. THAMANI YA PIKIPIKI HIYO NI TSHS. 1,800,000/=. WAFUASI HAO WALIFIKA KATIKA HOTEL YA CALIFONIA NA KUHARIBU MALI NA SAMANI ZA JENGO HILO LA HOTELI KWA KUVUNJA MILANGO NA MADIRISHA YA JENGO HILO YALIYOTENGENEZWA KWA ALUMINIUM NA KUFANYA UHARIBU KATIKA MAGARI MANNE YALIYOKUWA YAMEEGESHWA NJE YA HOTEL HIYO. KATIKA UHARIBUFU HUO, MOJA YA GARI YENYE NAMBA T.326 AINA YA TOYOTA NOAH LENYE THAMANI YA TSHS. 16,500,000/= LILICHOMWA MOTO NA KUTEKETEZA VITU VINGINE VILIVYOKUWEMO NDANI AMBAVYO NI US DOLLAR 2160 SAWA TSHS. 700,000/= JUMLA YA THAMANI YOTE NI TSHS. 21,715,000/= MALI YA SUBIRA MBUBA (40) MKAZI WA VWAWA. PIA WALICHOMA MOTO OFISI ZA CHAMA CHA CCM ZILIZOPO MLOWO NA VWAWA, THAMANI YA UHARIBU HUO BADO KUFAHAMIKA. PIA WALICHOMA BARABARA KWA MAGOGO, MITI NA MATAIRI KATIKA BARABARA YA LAMI ENEO LA MLOWO KUELEKEA VWAWA NA KUSABABISHA UHARIBIFU WA BARABARA, MAGARI YANAYOPITA BARABARA HIYO NA USUMBUFU KWA WATUMIAJI WA BARABARA HIYO.

KUTOKANA NA VURUGU HIZO, JESHI LA POLISI LILIFIKA KATIKA MAENEO HAYO NA KUFANIKIWA KUREJESHA HALI YA AMANI, AIDHA JUMLA YA WATUHUMIWA 116 WALIKAMATWA, KATI YAO 78 WALIPELEKWA MAHAKAMA YA MKOA WA MBEYA KWA MAKOSA YA KUHARIBU MALI, KUHARIBU KARATASI ZA KURA ZILIZOPIGWA PAMOJA NA MASANDUKU YAKE NA KUSABABISHA FUJO, VURUGU NA UVUNJIFU WA AMANI. WATUHUMIWA 38 WALIFIKISHWA MAHAKAMA YA WILAYA – MBOZI KWA MAKOSA YA KUHARIBU MIUNDOMBINU – BARABARA TAKRIBANI KILOMITA 20 KUTOKA MLOWO HADI VWAWA NA KOSA LA KUHARIBU MALI NA KUFANYA VURUGU.

AIDHA KATIKA VURUGU HIZO, ASKARI 06 WALIJERUHIWA SEHEMU MBALIMBALI ZA MWILI KWA KUPIGWA MAWE LAKINI WALIPATIWA MATIBABU NA KURUHUSIWA.

KAMANDA WA POLISI MKOA WA MBEYA KAMISHNA MSAIDIZI MWANDAMIZI WA POLISI AHMED Z. MSANGI ANATOA WITO KWA WAKAZI WA MKOA WA MBEYA KUWA NA UTULIVU NA UVUMILIVU KATIKA MAMBO YANAYOHITAJI TARATIBU ZA KISHERIA KUFANYIKA KATIKA KUHESABU KURA NA KIPINDI HIKI CHA KUTANGAZA MATOKEO YA UCHAGUZI KATIKA KWA NAFASI MBALIMBALI KUANZIA UDIWANI, UBUNGE NA URAIS. PIA WAEPUKE KUSHAWISHIWA KUFANYA VITENDO AMBAVYO NI KINYUME CHA SHERIA LAKINI PIA NI KINYUME NA UTAMADUNI WA NCHI YETU KWANI WAO WANASHAWISHIWA NA WATU WENGINE WAKATI WAO NDIO WANAOPATA MATATIZO. LAKINI PIA KWA KUVURUGA AMANI NA UTULIVU KATIKA JAMII YETU NDIVYO TUNAVYOPELEKEA JAMII ZETU NA NCHI YETU KWA UJUMLA KURUDI NYUMA KWENYE  MAENDELEO YA KIUCHUMI. PIA TUNAWAOMBA SANA WASISABABISHE JESHI LA POLISI KUTUMIA NGUVU KUPITA KIASI.

Imesainiwa na:

[AHMED Z. MSANGI – SACP]

KAMANDA WA POLISI MKOA WA MBEYA.