Mwili wa marehemu mzee Boniface Pangawe Lukosi wasafirishwa kwenda Iringa kwa mazishi

Mwili wa marehemu mze Boniface Pangawe Lukosi umesafirishwa jana Ijumaa Januari 6, 2017 kuelekea kijijini kwake Kalenga mkoani Iringa baada ya misa na kuagwa katika kanisa la Mtakatifu Yohana lililopo Yombo Vituka jijini Dar es salaam. 

Marehemu mzee Lukosi, aliyefariki Januari 3, 2017 akiwa na umri wa miaka 95, anatarajiwa kuzikwa leo Jumamosi Januari 7, 2017 kwenye makaburi ya familia hapo Kalenga. Ndugu, jamaa, marafiki na majirani walijitokeza kwa wingi kuaga mwili wa marehemu, kabla ya jeneza lake kuingizwa kwenye basi na kuanza safari majira ya saa kumi jioni. Mola aiweke roho ya marehemu mahali pema peponi - AMINA

 Sehemu ya ndugu, jamaa, marafiki na majirani waliojitokeza kwa wingi kwenye misa na kuaga mwili wa marehemu. Aliyebeba mtoto ni mdau Chef Issa wa Sweden ambaye yuko mapumziko mafupi na nyuma yake mwenye fulana ya pundamilia ni mdau Dr. D. Ruhwago

 Wafiwa wakiongozwa na mdau Chris Lukosi wakiwa kanisani hapo

 Baba Paroko akiombea mwili na wafiwa safari njema

 Jeneza lenye mwili wa marehemu likiingizwa garini tayari kwa safari

 Mdau Chris Lukosi katika majonzi

Mdau Chris Lukosi akitambulishwa kwa Chef Issa na mdau Seraphin na Dr. D, Ruhwago ambao ni baadhi ya wadau waliofika kumfariji mwanagrupu mwenzao anayeishi Uingereza.