MAJALIWA MGENI RASMI URITHI FESTIVAL MKOANI ARUSHA

NA AHMED MAHMOUD, ARUSHA

WAZIRI Mkuu wa Jamhuri ya Muungano wa Tanzania Kassim Majaliwa

anatarajiwa kufunga maadhimisho ya tamasha la mwezi wa Urithi wa

Utamaduni mkoani hapa

Akizngumza na waandishi wa habari Jijini hapa jana na kaimu mkuu wa

mkoa wa Arusha Theresia Mahongo ambaye pia ni mkuu wa wilaya ya

Karatu, maadhimisho hayo yatafanyika wilayani Karatu kuanzia Oktoba

nane mwaka huu.

Alisema maadhimisho hayo ambayo yalizinduliwa Jijini Dodoma Septemba

15 mwaka huu na makamu wa rais Samia Suluhu Hassan yaliendelea

kufanyika maeneo mbalimbali nchini ikwemo Zanzibar,Mwanza na Dar es

Salaam.Alisema kabla ya kilele hicho maadhimsho hayo yatafanyika kwa siku tano kuanzia Oktaba nane hadi 12 wilayani Karatu kwenye viwanja vya

mazingira ambapo yatakwenda sambamba na maonyesho mbalimbali ya

kiutamaduni.

“Maadhimisho haya yenye jina la “Urithi Festival Celebrate our

Heritage kimkoa yataanza kuadhimishwa wilayani Karatu kuanzia Oktoba

8 mwake na kilele cahek kitakuwa Oktoba 13 mwaka huu katika uwanja wa

Sheikh Amri Abeid uliopo Jijini Arusha”.

Aliongeza”Maonyesho hayo yatashirikisha ngoma za makabila 10 ya mkoa

huu,maigizo,kutembelea vituo mbalimbali vya utalii pamona na michezo

mbalimbali ya asili”

Licha ya maonyesho hayo pia wananchi wa mkoa wa Arusha watapata fursa

ya kutembelea vivutio mbalimbali vya utalii kitamaduni ikwemo

makumbusho mbalimbali na bonde la Ngorongoro kwa gharama ndogo