MALALAMIKO YA WANANCHI KUHUSU HUDUMA MBOVU, LUGHA CHAFU YAMNG'OA MGANGA MKUU , MUUGUZI MKUU MKOANI MOROGORO

Hussein Stambuli, Morogoro

SERIKALI mkoani morogoro imewachukulia hatua baadhi ya watumishi wa sekta ya afya kwa kuwahamisha vituo baada ya kukithiri kwa malalamiko ya tuhuma za rushwa, lugha chafu na utendaji mbovu akiwemo Mganga Mkuu na Muuguzi Mkuu wa Mkoa huo.

  

 Akizungumza na waandishi wa habari,Katibu Tawala Mkoa wa Morogoro  Cliford Tandari amesema uhamisho huo utahusisha Mganga mkuu wa mkoa, Muuguzi Mkuu wa mkoa, Mganga Mkuu wa meno wa Mkoa pamoja na watumishi wa idara mbalimbali zilizopo katika sekta hiyo.

"Kufuatia ziara ya Naibu Katibu Mkuu TAMISEMI Dk.Gwajima baada ya kufanya ukaguzi katika halmashauri zote mkoani hapa sasa imebainika kumekuwa na viashiria vya rushwa, hali mbaya ya utoaji huduma kwa wagonjwa, majibu mabovu yanayotolewa na wauguzi.

"Sisi kama Serikali tumeamua kuingia kati suala hili na kuhakikisha huduma za afya mkoani hapa zinatolewa kwa usawa, haki na uboraa,"amesema Katibu Tawala huyo.

Watumishi hao watapangiwa maeneo mengine ya kazi nchini huku Serikali ikiahidi kufuatilia mwenendo wao wa kazi mahali popote watakapokuwa kwani lengo ni kuhakikisha watumishi wa umma wanakuwa msaada mkubwa kutatua kero za wananchi.

Katibu tawala mkoa wa morogoro, Cliford Tandari akizungumza na waandishi wa habari katika ofisi ya mkuu wa mkoa wa Morogoro kuhusu watendaji wa sekta ya afya ya mkoa huo.