MTIA NIA YA UBUNGE JIMBO LA ARUSHA MJINI AAHIDI KUJENGA KIWANDA KILA KATA IWAPO WAJUMBE WA MKUTANO MKUU CCM WILAYA WATAMPA RIDHAA KUPEPERUSHA BENDERA

Na Woinde Shizza , Michuzi  TV-Arusha

KADA wa Chama Cha Mapinduzi(CCM)Philimon Mollel amewahaidi wajumbe wa Mkutano Mkuu wa wilaya  kujenga kiwanda kila kata pindi watakapompa ridhaa ya kupeperusha bendera ya ubunge katika nafasi ya Jimbo la Arusha Mjini

Akizungumza katika mkutano mkuu maalumu wa kupiga kura za maoni za Chama hicho wa kumchagua mgombea atakayesimama kupeperusha bendera ya ubunge,amesema  jimbo la Arusha Mjini limekuwa na changamoto ya  vijana kukosa ajira, hivyo akipewa ridhaa kiaumbele chake cha kwanza atakachofanya  ni kujenga viwanda katika kila kata na hiyo itamsaidia kupunguza tatizo hilo.

Aidha amefafanua Jimbo la Arusha Mjini linahitaji mtu mwenye busara kama yeye ambaye atahakikisha ataleta maendeleo na sio vurugu za kisiasa ambapo zimesababisha baadhi ya miradi kuchelewa

Ameongeza kuwa Rais John Magufuli ameleta miradi kikubwa, hivyo ni wakati wake wa kwenda bungeni  kupambania maslai ya wananchi wa Jimbo la Arusha Mjini  kwakua jimbo litakuwa na muwakilishi mwenye uchu wa Maendeleo.

Aidha amesema kuwa katika kuinua maendeleo ya vijana ,wamama na wazee atahakikisha  wanapatiwa mikopo ya riba nafuu ili waweze kujiajiri  wenyewe ili waweze kuhudumia familia zao.

Akinukuu vitabu takatifu Cha bibilia kutoka methali 29-2 unaosema wenye haki wanapotawala watu wanafurahia lakini mtu muovu anapotawala katika Jimbo watu wanapata shida,watu wanateswa ,watu wanahumia hivyo aliwaomba wananchi wamchague ili aweze kuwapa Raha na kuwaaidi wakimchagua atasukuma Maendeleo na tumbo.

Picha ikionyesha Mgombea ubunge kupitia Chama Cha mapinduzi Philimon Mollel  akiomba Kura mbele ya wajumbe.