Bolt Business inavyotoa suluhisho la kibiashara nchini Tanzania

Bolt, kampuni inayoongoza kwa usafirishaji nchini Tanzania inalenga kuwapa wateja wake chaguo mbalimbali katika bei zake, lengo ni kuhakikisha watanzania walio wengi wanafaidika na huduma za kampuni hiyo.

Kampuni hiyo inakuja na njia kadhaa kwa wadau wake wakiwamo wafanyabiashara wakubwa na wa kati, lengo likiwa ni kuhudumia watanzania katika nyanja mbalimbali, kwa upande wa kutimiza mahitaji ya usafiri.

Kwa sasa kampuni ya Bolt imekuja na huduma ya Bolt Business inayohudumia wafanyabiashara wadogo na wakati na hata makampuni makubwa katika mikoa ya Dar es Salaam, Mwanza, Dodoma na Arusha kwa bei nafuu na ya makubaliano.

Bolt Business ni huduma ya kuaminika na imekuwa ikifanyika kwa wakati unaotakiwa, wateja wanaotumia usafiri wa Bolt wanaweza kuagiza huduma hii kwa njia ya mtandao na huduma hizo kuwafikia mahala walipo pasipo kuchelewa.

Mfumo huo wa kutoa huduma kwa haraka ndiyo unaitofautisha kampuni ya Bolt na zile nyingine na kumudu soko la ushindani.

Tangu kuzinduliwa kwake Mei 2021, Bolt Business imeongezeka na kwa sasa imevunja rekodi kwa kuwa na idadi kubwa ya wateja, kadhalika ongezeko la magari kutoka kwa washirika mbalimbali kwaajili ya biashara ya usafirishaji, kwa kuokoa gharama.

Kupitia mfumo wa Bolt Business, makampuni yanafungua akaunti ambapo makundi mbalimbali yanaweza kuomba usafiri kwa madereva , na pia kufuatilia njia na gharama za safari za biashara na kampuni.

Ili kufurahia mfumo huu, wafanyakazi wanaweza kuunganisha akaunti zao za kawaida na za Bolt kwenye akaunti ya kampuni ya Bolt Business kwa ajili ya kufanya malipo.

“Biashara ya Bolt inalenga kusaidia makampuni kusimamia vyema safari zao za biashara. Kupitia huduma hiyo, wafanyabiashara hupata udhibiti wa mahitaji yao ya usafiri na usafiri kupitia matumizi ya utaratibu huu. Tumejitolea kuwapa wateja wetu urahisi wa kuchagua mfumo wa usafiri wanaoutaka kwa kuzingatia bei,” alisema Meneja Mauzo wa Bolt Business nchini, Milu Kipimo

Alisema Biashara ya Bolt inakuza dhamira ya utoaji wa huduma bora kwani hurahisisha usimamizi wa usafirishaji wa wafanyakazi wa kampuni mbalimbali kutoka eneo moja hadi jingine.

“Huduma hii inaruhusu ufuatiliaji wa matumizi ya kampuni, inaruhusu chaguo la uhifadhi wa gari, na njia za malipo zilizoboreshwa huku zikitoa uwazi kupitia ripoti za kila mwezi na kutoa fursa kwa wateja kufurahia huduma bora.

“Kwa ubunifu tulionao bado Bolt inajivunia kuendelea kuwa bora kupitia mifumo yake ya kibiashara; na kwamba tutaendelea kuongoza katika soko kutokana na ubunifu wetu, lengo letu ni kumridhisha mteja” alisema Meneja huyo.

Tangu kuzinduliwa nchini, Bolt imekuwa na uwezo mkubwa kibiashara na kujikusanyia wateja wengi kutokana na uaminifu nchini Tanzania, kadhalika kutoa mianya kwa wazawa kujipatia kipato.