Janeth Raphael - MichuziTv Dodoma
Waziri wa Fedha na Mipango Dkt.Mwigulu Mchemba amesema kuwa katika mwaka 2022/23, Serikali inapanga kutumia zaidi ya shilingi Tirioni 41.0 katika bajeti kuu ya serikali.
Ambapo amesema kuwa Kati ya kiasi hicho, shilingi Tirioni 25.5 zimetengwa kwa ajili ya matumizi ya kawaida ikiwa ni asilimia 62.2 ya bajeti yote, ikijumuisha shilingi Tirioni 11.3 kwa ajili ya ulipaji wa deni la Serikali na gharama nyingine za Mfuko Mkuu na ambazo zimetengewa shilingi Tirioni 9.7 kwa ajili ya mishahara, ikijumuisha mapendekezo ya upandishaji madaraja na ajira mpya na shilingi Tirioni 4.4 ni kwa ajili ya matumizi mengineyo (OC).
"Matumizi ya maendeleo yanatarajiwa kuwa shilingi Tirioni 15.5 sawa na asilimia 37.8 ya bajeti yote,Kati ya kiasi hicho, shilingi Tirioni 12.1 ni fedha za ndani, sawa na asilimia 78.1 ya bajeti ya
maendeleo na shilingi Tirioni 3.3 ni fedha za nje,"alisema Waziri wa Fedha.
Ameekeza kuwa kwa kuzingatia sera, misingi, vigezo na vihatarishi vya bajeti, jumla ya shilingi Tirioni 41.3 zinatarajiwa kukusanywa na kutumika, sawa na ongezeko la asilimia 8.1 ikilinganishwa na makadirio ya mwaka 2021/22 ya shilingi Tirioni 37.9.
"Jumla ya mapato ya ndani yanatarajiwa kuwa shilingi Tirioni 28.6 sawa na asilimia 69.9 ya bajeti yote,Misaada na mikopo nafuu kutoka kwa
Washirika wa Maendeleo inatarajiwa kuwa shilingi Tirioni 4.1 mwaka 2022/23, sawa na asilimia 10.1 ya bajeti yote,"amesema Dkt Mwigulu
Toa Maoni Yako:
0 comments so far,add yours
Hii ni Blog ya Watanzania popote walipo duniani kwa ajili ya kuhabarisha, kutoa/kupokea taarifa na kuelimisha mambo yote yaliyo chanya kwa Taifa letu. Tafadhali sana unapotoa maoni usichafue hali ya hewa wala usijeruhi hisia za mtu/watu. Kuwa mstaarabu...