MKOA WA PWANI WAPOKEA PEMBEJEO KWA AJILI YA ZAO LA KIBIASHARA LA KOROSHO

Na Mwamvua Mwinyi, Pwani

MKUU wa mkoa wa Pwani Abubakari Kunenge ,amepokea Pembejeo (Viuatilifu) kwa ajili ya zao la Korosho, katika ghala la CORECU, wakati akiwa kwenye ziara Wilayani Kibiti.

Akipokea Viuatilifu hivyo Mkuu huyo wa mkoa amesema ,mkoa huo uliomba Viuatilifu Tani 1,600 za Salfa ya unga ambapo hadi sasa umepokea Tani 804 .

Aidha Kunenge ameeleza,viuatilifu vya maji Mkoa uliomba Lita 100,000 hadi sasa wamepokea lita 109,000 na lita zingine elfu 15 zitaletwa.

Pamoja na hilo,ameeleza kuwa Mkoa msimu wa mwaka 2020 ulipata Tani 7000, mwaka 2021 Tani 11,000 na mwaka huu wanatarajia kupatiwa Tani 15,000 hadi 20,000.