RC MAKALLA APONGEZA UTENDAJI KAZI NIC

Afisa wa Bima Elizabeth Chacky akizungumza na wananchi waliotembelea Banda la Shirika la Taifa la Bima (NIC) katika Maonesho ya 46 Biashara Kimataifa yanayofanyika katika Viwanja vya Mwalimu J.K Nyerere Sabasaba jijini Dar es Salaam.

Mkuu wa Mkoa wa Dar es Salaam Amos Makala akipata maelezo kutoka kwa Mkurugenzi wa Masoko na Huduma kwa Mteja Yesaya Mwakifulefule wakati Mkuu wa Mkoa huyo alipotembelea   Banda la Shirika la Taifa la Bima (NIC) katika Maonesho ya 46 Biashara Kimataifa yanayofanyika katika Viwanja vya Mwalimu J.K Nyerere Sabasaba jijini Dar es Salaam.

Mkuu wa Mkoa wa Dar es Salaam Amos Makalla akizungumza katika  Banda  la Shirika la Taifa la Bima (NIC) katika Maonesho ya 46 Biashara Kimataifa yanayofanyika katika Viwanja vya Mwalimu J.K Nyerere Sabasaba jijini Dar es Salaam.

Mkuu wa Mkoa wa Dar es Salaam Amos Makala akisaini kitabu katika Banda la Shirika la Taifa la Bima (NIC) katika Maonesho ya 46 Biashara Kimataifa yanayofanyika katika Viwanja vya Mwalimu J.K Nyerere Sabasaba jijini Dar es Salaam.

 

*Aitaka NIC ikutane na Watu wenye Masoko

Na Chalila Kibuda, Michuzi Blog
 

MKUU wa Mkoa wa Dar es Salaam Amos Makalla amepongeza Shirika la Taifa la Bima(NIC) katika utoaji wa Bima kwa kutumia mifumo ya kisasa.

Makalla ameyasema hayo wakati alipotembelea Banda la NIC katika maonesho ya 46 ya Biashara Kimataifa yanyofanyika katika Viwanja  vya Mwalimu J.K Nyerere Jijini Dar es Salaam (Sabasaba), Makala amesema kuwa katika kufanya kazi huko wawafikie wananchi wengi zaidi kupata huduma za bima.

Amesema kutokana na masoko kuungua NIC ikutane na watu wa masoko ili kuwapa elimu ya bima na kisha wafanyabiashara nao waweze kukata bima hizo.

Aidha amesema masoko yakiwa na bima pamoja na wafanyabiasha wakiwa na bima itafanya kuwa na biashara endelevu kwani inapotokea wanafidiwa bidhaa zao.

Kwa upande wa Mkurugenzi wa Masoko na Huduma kwa Mteja Yesaya Mwakifulefule amesema kuwa wanaendelea na jitihada za kuwafikia wananchi pamoja na utoaji wa elimu.

Amesema kuwa katika utendaji wao wamekuwa na mifumo ya kisasa katika kutatua changamoto ya wateja pale pindi ambapo wanakuwa wamepatwa na majanga mbalimbali.

Aidha amesema Shirika limeweza  kuanzisha bima zingine  na kuachana mazoea ya bima ya magari ambapo sasa bima zinazopatikana ni pamoja na kilimo , Bima za Maisha pamoja Bima za Taasisi kwenye magari.