CAReH AFRICA YATOA MSAADA KWA HOSPITALI NCHINI

Mwanzilishi wa taasisi ya CAReH Africa, Profesa Gbenga Ogedebde wa Chuo Kikuu cha NYU Grossman (kulia) akimkabidhi sehemu ya msaada wa makoti ya kuvaa madaktari wanapokuwa kazini kwa Mtafiti Mwandamizi wa Kituo cha Afya cha Ifakara, Dk.Jerry Hella (Katikati), hafla ya makabidhiano hayo imefanyika jijini Dar e Salaam hivi karibuni. kushoto ni Profesa Chinwe Ogedebde kutoka Chuo Kikuu cha Afya na Tiba cha Hackenack cha nchini Marekani. Msaada huo pia utatolewa kwa vituo mbalimbali vya afya nchini.

Mtafiti Mwandamizi wa Kituo cha Afya cha Ifakara, Dkt.Jerry Hella (Katikati) akiwa na Profesa Gbenga Ogedebde wa Chuo Kikuu cha NYU Grossman (kulia) na Profesa Chinwe Ogedebde kutoka Chuo Kikuu cha Afya na Tiba cha Hackenack wakati wa hafla hiyo.

Mtafiti Mwandamizi wa Kituo cha Afya cha Ifakara, Dk.Jerry Hella (Katikati) akiangalia moja ya koti lililotolewa baada ya kupokea msaada huo.

TAASISI ya Centre to Advance Research on Health in Africa (CAReH Africa), imetoa msaada wa makoti ya kuvaa madaktari wanapokuwa kazini kwa kituo cha Afya cha Ifakara ambayo yatagawiwa katika hospitali mbalimbali na vituo vya afya nchini.

Akiongea katika hafla ya kukabidhi msaada huo iliyofanyika jijini Dar e Salaam hivi karibuni, Mwanzilishi wa taasisi hiyo,Profesa Gbenga Ogedebde, ambaye ni mhadhiri katika chuo Kikuu cha Tiba cha Grossman kilichopo Newyork nchini Marekani, alisema msaada huo ni moja ya mkakati wa taasisi hiyo ya kupambana na changamoto nyingi zilizopo katika sekta ya Afya barani Afrika.

Profesa Ogedebde alisema, CAReH Africa, imejipanga kuhakikisha inawezesha kufanyika tafiti za magonjwa barani Afrika sambamba na kushirikiana na Serikali na wadau mbalimbali kupunguza changamoto nyingi za magonjwa.

“Barani Africa kuna changamoto nyingi katika sekta ya afya,hivyo ni jukumu letu wataalamu wa fani mbalimbali kupambana kwa ajili ya kuzitafutia changamoto,husuani uwepo wa magonjwa mbalimbali yanayopaswa kufanyiwa utafiti kwa ajili ya kukabiliana nayo sambamba na uhaba wa upungufu wa vifaa tiba vya kisasa na matumizi ya teknolojia za kisaa katika kutoa huduma za matibabu.

Kwa upande wake,Mtafiti Mwandamizi wa Kituo cha Afya na utafiti cha Ifakara,Dk.Jerry Hella, alishukuru kwa msaada huo na kuongeza kuwa yatagawiwa katika hospitali mbalimbali za hapa nchini.

“Msaada huu umepitia kwetu kwa kuwa tunafanya kazi kwa ushirikiano na taasisi ya CAReH Africa, ila tutayatoa kwa hospitali za Temeke na Mwananyamala.