chonde

Mr. michuzi naomba nichukue nafasi hii kwa mara nyingine mimi kama mwanafunzi na mwandishi wa barua yangu pepe kwako yenye kichwa cha habari:ZAPOROZHYA STATE MEDICAL UNIVERSITY-UKRAINE “SERIKALI YA TANZANIA MBONA MMETUTELEKEZA?” kukanusha baadhi ya mistari katika barua hiyo kwa kulitumia vibaya katika maelezo yangu jina la mheshimiwa balozi wetu mheshimiwa Chokala na mwakilishi wake ambaye mara kwa mara hutuletea fedha zetu za mikopo kutoka Ubalozini Mr. Francis.

Hii inatokana na jazba ya muda mfupi wakati wa uandishi wa barua hiyo kutokana hali halisi iliyotukuta sisi wanafunzi wa hapa chuoni ila ninakiri kwa hilo kwa kuwa ni watu ambao walikua pamoja na sisi tangu tumewasili hapa Ukraine katika kutusaidia na kutupa moyo mara tu tunapokuwa katika kila wakati mgumu kifedha,hii ni katika kujenga na si kubomoa heshima ya watu hawa muhimu sana ambao tunatambua na kuikubali michango yao katika maisha yetu huku ugenini ila narudia sikuwa na nia mbaya kama ambavyo naweza nikanukuliwa na baadhi ya watu ambao wanaweza wakasoma vipande hivyo vya habari ila ni barua ambayo nilikua nimeiandika nikitegemea dhumuni halisi la barua lifike kwa wahusika nikiomba msaada zaidi kama nilivyokusudia na si kujaribu kuchafua majina ya waheshimiwa hawa muhimu sana kwetu, basi mimi kama binadamu naomba kuchukua nafasi hii kukanusha maelezo hayo na kuwaomba watajwa waheshimiwa hawa kugundua ya kwamba mimi ni mtoto tu kwao kwa hiyo hawana haja ya kukata mikono yao kwa mimi kuichafua tu kwa bahati mbaya

Habari hii naomba iwekwe sehemu kama ile iliyowekwa barua yangu iliyopita kwenye mtandao wako nikionyesha kujirudi kwa kile kibaya nilichokiandika labda kutokana na upeo wangu mdogo kwa waheshimiwa hawa.