MICHUZI BLOG

Hi Michuzi!

Thanks again for your support! Nawashukuru Watanzania wote waliomwombea na kumtakia kila ya kheri mrembo Flavia. Nashangaa kukuta mjadala mreeeeefu kuhusu vazi la jioni la Flavia na baada ya kuona kuwa suala hili limeota mikono na miguu naomba niweke baadhi ya vitu sawa kabla ya press conference wiki ijayo ili wasomaji wako waheshimiwa ambao wamekuwa mashabiki wazuri waweze kuelewa vyema suala hili.

Miss Universe Tanzania ni tofauti na mashindano mengine kwani kamati ya maandalizi ya mrembo inahusika moja kwa moja na kila nguo anayovaa Flavia. Historia nzima ya mavazi ya Flavia ninayo mimi. Tuanze na mavazi yake ya kila siku: Magauni yote ya Flavia yamekaguliwa na kukubaliwa na kamati. Flavia hajavaa gauni ambalo hatujalikubali isipokuwa t-shirt au gauni ya masponza wa Miss Universe (eg. Hard Rock cafe, YMI jeans n.k)

Mavazi haya yalimvutia hata designer mkuu wa Miss Universe na designer maarufu wa USA - Tadashi ambaye alitaka kujua zaidi kuhusu kitambaa kilichotumika, na designs. Designer wa mavazi yake Flavia ya kila siku ni siri yetu but is local na fundi ni local. Bwana Michuzi naomba niweke wazi kwamba it's time sisi watanzania tujivunie utamaduni wetu vitenge na kanga vimemtoa sana Flavia na atasimulia mwenyewe jinsi alivyowavutia waandishi na mashabiki wa kimataifa kwa mavazi yake.

Vazi la taifa : Lilibuniwa na Farouque Abdela wa Zanzibar! Ni designer mwenye sifa kubwa na ana ubinifu wa hali ya juu! Vazi hili la Flavia lilikuwa limetokana na vazi la kimaasai na lilipata sifa nyingi sana. Nadhani niliandika mengi kuhusu vazi hili hapo awali.
Vazi la jioni la kitabu na website: Vazi hili la pinki lilibuniwa na designer ambaye jina lake tumelihifadhi, but ni wa hapa na fundi alikuwa wa hapa. Vazi hili pia lilisifiwa kwa kuwa ya kipekee.

Vazi la usiku la raundi ya kwanza (preliminary au presentation show) tarehe 23: Hii ni vazi lile la damu la mzee au maroon kwa kiingereza. Gauni hili lilibuniwa na Jamila Swai, designer mwenye uzoefu mkubwa anayejulikana kwa kudesgin hata magauni ya harusi. Gauni hili lilimbeba Flavia katika 15 bora ambayo ilitangazwa tarehe 28.

Vazi la usiku la fainali (tarehe 28): Katika siku chache kati ya preliminary na fainali, nilifuatwa na wataalam wa masuala ya urembo ambao walinieleza kuwa ni kawaida kubadili gauni la jioni kwa warembo wengi. Pia nilishauriwa na watalaam wengine kuwa ingekuwa vyema kutafuta gauni la rangi nyingine. Baada ya kutafakari, ilibidi nianze kuangalia uwezekano wa kupata gauni lingine. Ndipo nilipofuatwa na designer mkuu wa Miss Venezuela Miguel Aleman, ambaye ni designer wa washindi wengi wa Miss Venezuela (miss Venezuela mwaka huu pia amevalishwa na Miguel). Yeye alijitokeza bila kuambiwa akiomba amvishe gauni jeupe Flavia. Ilikuwa ni siri kali na hakuna mtu aliyejua hili, zaidi ya watu 2 wa Miss Universe waliomsaidia Flavia kubadili nguo. Miguel alifanya kazi usiku mzima kukamilisha gauni lile. Naomba nieleze watanzania kuwa Flavia alisifiwa sana na lile gauni na lilikuwa gauni ambalo lilimkaa vizuri. Alipotokea, watu ukumbini walitoa 'WOW!' kwa pamoja. NIlikuwa nimekaa katikati ya watu na kila mtu alishangaa kwa furaha wakinieleza kuwa Flavia alionekana kama malaika! Ile rangi nyeupe ilimtoa sana! Flavia pia alipenda kuwa na gauni simple, kitu ambacho wote tuliafiki kwani uzuri wake ni wa kipekee. Kila mtu alikuja kunipongeza wakisema kwamba Miss Angola ambaye nguo yake ilikuwa na nakshi nyingi alishindwa kumfikia Flavia kwani gauni la mrembo wetu iliongeza uzuri wake na haikumfunika kwa mimeremeto.

Pointi za vazi la usiku: Kama mashabiki mlifuatilia Flavia alipitwa na pointi 0.01 na Miss USA ambaye alidondoka stejini! Sasa swali, je lile gauni la Miss USA lilikuwa zuri zaidi au ni bahati mbaya au nzuri? Kwani siyo gauni tu ambalo linapewa pointi lakini jinsi mrembo anavyoivaa gauni na kuiwakilislisha (presentation and poise). Flavia hakudondoka, Miss USA alidondoka. MIss USA alivaa gauni nyeusi Flavia alivaa nyeupe. Hakuna jibu. Flavia alifanya vizuri sana lakini bado alishindwa kupenya 5 bora. hiyo 0.01 point ilikuwa nini? Jamani hayo tumwachie Mungu. Tusitake kutafuta sababu zisizo na maana.

Mustafa Hassanali: Flavia hakuvaa gauni hata moja la Mustafa Hassanali huko Mexico. Magauni yake yaliyopitishwa na kamati hayakuwa na gauni lolote la Mustafa. Mavazi na mengineyo: Mimi binafsi nawatetea sana madesigner wa Tanzania. Ilikuwa ni bahati mbaya tu kwamba Mexico ni mbali na nilikuwa sina muda wa kuomba design. Kwa kweli wengi wao ni wazuri na wanafanya kazi kubwa sana ku-promote design, vitambaa na utamaduni wetu. Sisi watanzania tusitake kushindana na Miss Japan ambaye alinunua gauni lake la Gucci kwa dola 3,000! Kushinda si thamani ya nguo. Jamani huu ndio mwanzo, tutafanikiwa tu kupata taji! Ningeomba kuchukua nafasi hii pia kuwaomba madesigner wa hapa wawe na uzalendo. Madesginer wa nchi zingine hutoa magauni bure kwa ajili ya warembo, na hujituma kwani wako radhi kukesha usiku kucha ili design zao zionekane duniani.

Nimejifunza mengi kwani hii ilikuwa ni mara yetu ya kwanza. Nadhani mwakani tutakuwa tumejitayarisha na magauni mazuri zaidi na mengi zaidi! Kwa wale madesigner wanaotaka kudesign magauni ya Miss Universe Tanzania tafadhali wajue, mambo ya kuwapa warembo wenyewe magauni si njia sahihi. Ni lazima ipitishwe na kamati. Flavia ataendelea kuvaa magauni ya kanga na vitenge kwani anajua thamani yake!

Tanzania tujipende na tupende utamaduni wetu! I am so proud to be Tanzanian! Flavia is so proud to be Tanzanian! TANZANIA JUU! Tumeweka historia at Miss Universe!

Asanteni sana!

Maria Sarungi-Tsehai