ajali tena

Thobias Mwanakatwe wa PST, Chunya, anaripoti kuwa Msafara wa NaibuWaziri wa Elimu na Mafunzo ya Ufundi, Bi. Mwantum Mahiza jana ulipata ajali baada ya gari waliokuwa wakisafiria kugongwa na lori.

Msafari huo ulikuwa na maofisa wa Idara ya Ukaguzi Nyanda za Juu,waandishi wa habari na askari.Ajali hiyo ilitokea juzi 11:45 jioni katika kijiji cha Luwanjilowilayani Chunya Mkoani Mbeya wakati msafara huo ukitokea katika ziaramjini Chunya kurudi Mbeya mjini.

Lori hilo lenye namba za usajili T 683 AFK liligonga gari lenye nambaSTK 3170 ambalo lilikuwa likiongoza msafara wa Naibu Waziri huyo likiendeshwa na dereva Abel Mwakatete likiwa limewabeba maofisa hao.

Maofisa wa Idara ya Ukaguzi waliokuwa katika gari hilo lililogogwa niNaibu Mkaguzi wa Kanda, Mama Arevo, Mkuu wa shule ya Sekondari Tukuyu,Bw. Wakili Mwangoka, mwandishi wa habari wa RTD na mwandishi wa habariwa Kampuni ya The Guardian, Bw. Thobias Mwanakatwe pamoja na askari,Sajenti Seif ambao hata hivyo hawakujeruhiwa.

Lori hilo baada ya kuligonga gari hilo la msafara halikusimama nabadala yake aliendelea na safari zake ambapo Naibu Waziri na watuwaliokuwemo katika msafara huo walilazimika kusimama kwa nusu saakutafakari kinachoendelea.

Askari wa kitengo cha usalama barabara Sajenti Seif aliyekuwepo katikamsafara huo alimweleza Naibu Waziri kuwa gari lililogongwa ligeuze ilikumfukuzia dereva huyo wa lori lakini pamoja na kumfukuza dereva huyona kusimishwa alikataa kata kata kusimama na kuendelea na safari yake.

Jitihada za kusimamisha lori hilo ziliposhindikana ilibidi askari huyoawapigie simu wenzake waliokuwepo kituo cha polisi Chunya na kuwaamuruwalikamate gari hilo mara litakapofika ambapo taarifa iliyotolewa janausiku zilionyesha kuwa dereva wa lori hilo alikuwa tayari amekamatwana polisi.

Wakati huo huo, msafara wa Waziri Mkuu Edward Lowassa aliye mkoani Mwanza kwa ziara ya kikazi asubuhi ya leo ulipata ajali baada ya magari kwenye msafara huo kugongana yakiwa yanatoka nyumbani kwa Spika wa zamani Mh. Pius Msekwa kijijini kwake Ukerewe.

Kwa mujibu wa Kamanda wa Polisi mkoa wa Mwanza Zelothe Stephen, watu sita walijeruhiwa katika ajali hiyo, watatu ambao ni madiwani wa maeneo hayo vibaya sana, na wamelazwa hospitali ya wilaya.