tarishi hauwawigi

Bro pole na kazi mkuu ndio wajibu wenyewe huo. Wajibika taarifa zitufikie wengine wa mbali huku na nyumbani (bongo tz).

Bro. mie nina tatizo ambalo linatukumba wengi huku na tumekuwa tunalifanyia mpango muda mrefu lakini hola.

Swala lenyewe ni hivi: sisi ni vijana ambao tulipata nafasi ya kuja nchini Ukraine kusoma, kuna misukosuko mingi ilitokea lakini kwa namna moja ama nyingine tunamshukuru bwana balozi aliyemaliza muda wake (mh Chokala, Patrick) kwa msaada wake wa kiubinadam mpaka yameisha ingawa siyo yote.

Mwishoni mwa mwaka jana kuna jamaa fulani ni wabongo sema wenyewe ni maveteran wana miaka mingi huku (zaidi ya 17). Mmoja yuko Kiev, Capital city na mwingine Kharkov, student city, walileta dili la Sweden.

Wakahakikishia vijana kuwa dili ni la ukweli na halina tatizo lolote na kwamba kila kitu kipo katika mstari, ni kumpatia kiasi cha dola za US 100$ na atafanya mpango wa kila kitu na kabla ya mwisho wa Desember mwaka jana basi tutapatiwa invitation, na kwamba malipo ya kazi hii atalipwa punde tukirudi kutoka Sweden.

kilichotokea ni kwamba sasa hivi ni mwezi wa nne unaisha jamaa anadai registration zetu hazitoshi hivyo tuongeze, na yeye mwenyewe alishachukua information zote ( copy za passport zinazoonesha mwisho wa registration).

sasa swali linakuja kwa huyu jamaa kwamba tangu atuambie kwamba fomu zitakuja before desemba na sasa hivi ni aprili alikuwa wapi kipindi chote hicho? Akipigiwa simu nakuulizwa analeta ubabe kwamba yeye ni mtu mzima tuwache kumsumbua kila mara na simu. sasa bro Michuzi wewe unaona ni haki hii?
Kitakachokuja tokea ni kumvalia maguu na kumfata Kiev na kumpa ngumi za koromeo.tumechoka na mambo yao bwana. Tunaonekana sie wabongo mafala bwana kwa utapeli huku ughaibuni.(mwisho)

nitakuja na nyingine....ila jina na email kapuni. please!

Mdau Ukraine

----------------------------------------------------------------------------------------------

Kaka michuzi,

kwanza nakupongeza kwa kazi yako nzuri ktk kutuhabarisha habari mbalimbali za nyumbani hususan kwa sisi wa Ughaibuni. Naamini blog yako hii inapitiwa na watnzania wengi sana ulimwenguni wenye busara zao na wanaothamini umuhimu wa habari hususan zinazohusiana na masuala yetu watanzania kijamii, kiutamaduni na hata kiuchumi popote pale tulipo!

Kuhusiana na huu uzushi, ningekuomba sana uwe makini ktk kuziweka Posts kama hizi on the blog, kwanza kabisa the way huyu mshenzi alivyoaddress tatizo lake si kistaarabu! hilo linadhihirishwa na lugha yake chafu na isiyo fasaha hali inayopelekea wenye busara zao kumchukulia kama muhuni asiestahili hadhi ya uanafunzi wa level hii ya chuo kikuu!!

Mimi pia ni mmoja wa wanafunzi wa kitanzania huku Ukraine na kwa kweli sijasikia mgogoro wowote kuhusiana na hili suala, inavyoonekana huyu jamaa anatumia mgongo wa wanafunzi wa Kitanzania Ukraine kwa maslahi yake anayoyajua mwenyewe, anatuabisha sana kwa kweli na laiti tungalimjua basi tungalimchukulia hatua kali za kisheria,ila afahamu kwamba tunamchunguza na tukimgundua atatueleza nia yake hasa ni nini!

Kisheria ya kimataifa hii ni moja ya Deformation actions anayotufanyia huyu mtu, na akibainika sheria inaweza kumhukumu!

Kuna masuala muhimu yanayoweza kutumwa hapa, lakini si upuuzi kama huu unaolenga kuwaharibia watu majina na hadhi zao!

Yeye kama ana dukuduku la msingi analoona linamkera binafsi basi asitumie mwamvuli wa nafsi ya wingi kwa kutujumiusha na wengine, si mstaarabu kabisa huyu jamaa na anatakiwa kukemewa, nadhani nia yake hasa ni kutudhalilisha wanafunzi wwenzake kama kweli ni mwanafunzi maana kwa mimi binafsi namuweka katika kundi la WAHUNI na WASHENZI!

Mwisho nakusihi uncle michuzi uwe makini sana kuzipitia taarifa kama hizi kwa kujaji Logic yake kabla ya kuziweka hadharani na huyu mshenzi ningekushauri kuachana na uzushi wake anaokuahidi kukutumia tena baada ya huu uozo wake!!

Poleni sana wanajamii wenzangu wote wa kitanzania hapa Ukraine na hatuna budi kushirikiana kumtafuta huyu mtu na kumweka katika mstari mnyoofu, maana anaonekana kuhitaji msaada wa kimawazo na hata kifikra.

Shukrani sana,

Mdau muathirika - UKRAINE.