BALAA KWA TAIFA STARS?

Mobhare Matinyi,

Washington DC

Cape Verde imeichapa Mauritius bao 1-0 kwa penalti huko huko kwao visiwani Mauritius. Ushindi huu unaiweka Cape Verde katika nafasi ya kuipiku Taifa Stars - timu hatari kuliko zote Afrika Mashariki na Kati lakini isiyokuwa na wafungaji.

Kwa matokeo haya Cape Verde sasa ina pointo 6 na magoli 2 ya kufunga na kufungwa 2; Tanzania ina pointi 2, imefungwa goli 1 na imefungwa 2. Cameroon ina pointi 7, imefunga 5 na haijafungwa hata goli 1. Mauritius ina pointi 1, imefunga 1 na imefungwa 5.

Wiki ijayo Cape Verde inaikaribisha Mauritius nyumbani kwake na iwapo itashinda, itafikisha pointi 9 na idadi ya magoli itakayojulikana baada ya mechi. Tanzania iwapo itakwenda suluhu, itafikisha pointi 3.

Ili Tanzania iipiku Cape Vede itabidi iifunge Dar es Salaam na pia iifunge Mauritius kwao, hapo itafikisha pointo 9, na hapo tofauti ya kufunga na kufungwa itaamua mshindi kati yetu na cape Verde.

Utabiri wa kimazoea unaonesha kuwa Cape Verde itaichapa Mauritius Jumamosi ijayo na Tanzania itafungwa. Iwapo mambo yatakwenda hivi ndiyo tutakuwa tumeshatoka.

Kwa maana nyingine dua letu liko zaidi kwa wenzetu kututengenezea mambo. Iwapo maajabu yatatokea na tukaifunga Cameroon, na pia Mauritius ikaifunga Capa Verde kwao, shughuli itakuwa imekwisha; Tanzania itafikisha pointi 5, Cape Varde itabaki na pointi 6, Mauritius itapata pointi 4. Mpira si hesabu - tusubiri.

Hata hivyo, kuna haja ya Maximo kuwarejesha washambuliaji wa zamani waliostaafu ili kuokoa jahazi, japo kuwachezesha kwa dakika 20 za mwisho. Mohamed Hussein 'Mmachinga' na Madaraka Suleiman na Duwa Saidi wanapaswa kujaribiwa.

yapo mataifa yaliyowahi kufanya hivi na kufanikiwa, ingawa wameshapumzika sana lakini wana afadhali kuliko vijana wetu wanaokosa kona 18, mashuri 20 na penalti moja.