habari njema kwa wapenzi wa bwawa la maini

baada ya mawasiliano ya muda mrefu na makao makuu ya tawi la mashabiki wa bwawa la maini huko anfield, hatimaye nimefanikiwa kupata waraka (pichani) unaoturuhusu kuanzisha rasmi tawi la mashabiki wa bwawa la maini kwa wapenzi wake wote wa bongo.

ikumbukwe awali niliwahi kudokeza azma hiyo na wadau kibao wa bwawa la maini (ambao ni mamia kwa mamia hapa bongo na nje) walijitokeza na kusema wako tayari kuwa memba wa 'BongoReds' kama ambavyo tutajiita.

hivyo kwa ujumbe huu wapenzi wa bwawa la maini ambao ni wabongo kaeni mkao wa kula. BongoReds hiyo yaja na kinachohitajika kwa sasa ni kupata memba. hivi sasa naandaa rasimu ya muda pamoja na globu ya mawasiliano na matangazo ya shughuli zetu ambayo itawasilishwa kwenye mkutano wetu wa kwanza ambao tarehe itatangazwa karibu na namna ya mdau utavyoweza kujiandikisha itawekwa bayana.

na kwa kuanzia naomba wale wote wana wa bwawa la maini tuwasiliane kwa kupitia bongoreds@gmail.com kuanzias kesho jioni kwa saa za bongo ambapo anuani hiyo itakuwa hewani na tayari kuchukua barua pepe.

YOU WILL NEVER WALK ALONE

Mungu ibariki BongoReds

Mungu libariki bwawa la maini

Mungu Ibariki bongo