ndassa anguruma bungeni kulilia teknohama bora

mbunge wa sumve mh. richard ndassa (pichani kulia akiongea na mbunge wa monduli, mh. edward lowassa) jana amenguruma vilivyo bungeni wakati wa kuchangia hotuba ya bajeti ya wizara ya elimu ya juu, sayansi na teknolijia, kwa kutoa rai kwamba iko haja ya kuboresha teknolojia ya habari na mawasiliano (teknohama) ili kuongeza tija kwa taifa.

pamoja na mambo mengine, mbunge huyu machachari alielezea masikitiko yake na ya wadau wengi juu ya hali dhaifu ya matumizi ya teknohama nchini kiasi kwamba hata karibu tovuti zote za umma hazina uendeshaji na uamgalizi wa kifanisi kwa kukosa watu wa kuziendesha na kusimamia na kuzifanya zidode kwa muda mrefu bila ya kusuguliwa (kuwa up dated).

mh. ndassa pia aliibuka kuwa mbunge wa kwanza kueleza jinsi teknolojia ya globu za wadau binafsi zinavyokuwa mstari wa mbele katika kutafuta na kutoa habari za mara kwa mara tofauti na tovuti hizo za wizara na mashirikia ya umma.

kwa niaba ya wadau wote, globu hii ya jamii inatoa pongezi za dhati kwa msimamo wa mh. ndassa ambaye ameweza kuzitamka bungeni globu zote zinazoendeleza libeneke, ikiwamo hii, na kutaka hatua za haraka zichukuliwe ili mitandao ya umma ziige mfano huu wa kupasha habari mara kwa mara.

ni matumaini ya kila mdau kwamba ujumbe mzito wa mh. ndassa utazingatiwa na tutaanza kuona matunda yake kwa mitandao nyeti serikalini na kwenye mashirika ya umma ikisuguliwa kila mara, kama si kila siku.

ahsante mh. ndassa na hongera kwa ushupavu wako wa kupasha ukweli