zain yamwaga dola bilioni 10 afrika

Kampuni ya simu za mkononi ya Zain yenye mtandao katika nchi 22 Afrika na Mashariki ya Kati imewekeza dola za Marekani bilioni 10 sawa na trilioni 11.7 katika sekta ya mawasiliano Barani Afrika tangu 2005 na kuchangia kukua kwa kasi kwa sekta ya mawasiliano Barani Afrika, Mkurugenzi Mtendaji wa Zain, Khaled Muhtadi amesema.

Mkurugenzi Mtendaji wa Zain alikuwa akitoa Mada juu ya Umuhimu wa Mawasiliano kama sehemu ya Miundombinu ya Uchumi wa Tanzania
katika Mkutano wa Kwanza wa Wawekezaji na Serikali uliohudhuriwa pia na Rais Jakaya Kikwete.

Mkutano huo ulioandaliwa na The Economist na Kudhaminiwa na makampuni mbali mbali ikiwemi kampuni ya Zain Tanzania.

Mkurugenzi huyo wa Zain alisema ni jambo lisilopingika kwamba kukua kwa sekta ya mawasiliano Barani Afrika kumechangia kukua kwa uchumi wa Afrika. Alisema, kwa mujibu wa utafiti uliofanywa na Taasisi ya London ya Biashara ya Leonard Waverman of the London Business School, ongezeko la asilimia 10 ya usambazaji ma miundombinu ya mawasiliano katika nchi zilizoendelea kunachangia ongezeko la asilimia 1.2 katika ongezeko la pato la taifa.

Pia alisema tofauti na masoko yaliyofikia kikomu kifu ya Ulaya, Russia na Austaralia, masoko yanayoendelea kama China, India, na Afrika yako katika hatua ya awali ya maendeleo na yataendelea kukua kwa kasi katika miaka ijayo.

Mkurugenzi wa Zain aliipongeza serikali kwa sera nzuri ya uchumi ambayo imeifanya Tanzania kupiga hatua kubwa ya kiuchumi. Pia alisema kwa watani kasi ya kuongezeka kwa pato la taifa katika kipindi cha miaka mitatu iliyopita imezidi asilimia saba, na mfumuko wa bei uko kwenye tarakimu moja.

‘’Juhudi zako hapa Tanzania na nchi za jirani zinaifanya Tanzania kuwa nchi ya Amani na utulivu barani Africa, hongera sana,’’ alsiema na kuongeza kuwa mambo hayo yamefanya sekta ya mawasiliano, benki, madini na utalii kukua kwa kasi.

Katika Mkutani huo Rais Kikwete aliipongeza sekta ya mawasiliano. Zain inawateja milioni 50 katika nchi 22, 16 zikiwa katika bara la Afrika. Lengo la Zain ni kuwa moja kati ya makapnuni 10 ya simu za mkononi yanayoongoza ifikapo 2011 ikiwa na wateja 150 milioni.

‘’ Zain Tanzania iliingia katika Soko la Tanzania 2001, na imekua kwa kasi na kuwa kampuni inayoongeza kwa kusambaa zaidi nchini na kwa mauzo ya vocha za muda wa maongezi. Kukua kwa Zain kumechochea kukua kwa sekta binafsi na ya umma Tanzania,’’ alisema Muhtadi na kuongeza kwamba tangu 2005, Zain Tanzania imewekeza zaidi ya dola za Marekani 442 million katika miundombinu ya mawasiliano ya simu za mkononi.

Mapato kutoka Zain kwenda katika sekta binafsi ikiwemo usambazaji, wauzaji wa reja reja na matangazo yameongezeka na kufika Dola za Marekani 114 million US dollars 2008.

Mapato ya serikali kutoka Zain yanayotokana na Kodi ya Ongezeko la Thamani (VAT) pamoja na kodi mbali mbali yameongezeka kutoka dola za marekani milioni 22.33 million mwaka 2002 na kufikia dola za Marekani 40.82 million mwaka 2008, aliongeza.