The Ngoma Africa Band,Kupeleka "mzimu wa Dansi" Finland!

The Ngoma Africa Band

Bendi maarufu ya mziki wa dansi barani ulaya "The Ngoma Africa Band" inatarajiwa kuwadatisha washabiki wa mziki katika onyesho kubwa la "Fest Africa" litakalo fanyika mjini Tampere, Finland, siku ya tarehe 7 February 2009, katika ukumbi wa Klubi.

Bendi hiyo inayoongozwa na mwanamziki mashuhuri Ebrahim Makunja aka Ras Makunja"Bw.Kichwa Ngumu" yenye makao yake nchini ujerumani, itaupeleka "mzimu wadansi la bongo" huko Ufini.

Ngoma Africa ni maarufu kwa tabia za kuwadatisha akili washabiki kwa kutumia mdundo wao "Bongo Dansi".Bendi hiyo ambayo imetajwa katika maonyesho mengi ya kimataifa kuwa ni bendi bora kutokana na tabia zake za kuwaridhisha washabiki kwa kuwapa burudani ya kufa mtu!

Kikosi hiko cha Ngoma Africa kinatarajiwa kuruka kuelekea Tampere,Finland bila ya kuchelewa kwa ajili ya Onyesho hilo .

Ngoma Africa ambayo pia imepachikwa majina mengi ya kiusanii na washabiki kutokana na tungo zao na pia mdundo wake ambayo mara nyingi unawapeleka mchakamchaka washabiki!

majina kama FFU,wazee wa kuziwia rushwa, watoto wa uswahilini n.k hayakwepeki kwa bendi hiyo ambayo pia ina taji la "The Golden Voice of East Africa".

Ngoma Africa kwa mara ya kwanza kutumbuiza nchini Finland inatarajiwa kukonganyoyo za washabiki wote wa kimataifa katika mji wa Tampere.