vodacom Tanzania yachangia milioni 20 mbagala

Mkuu wa Mkoa wa Dar es Salaam Wiliam Lukuvi (kushoto) akipokea mfano wa hundi yenye thamani ya shilingi Milioni Ishirini kutoka kwa Meneja wa Vodacom Foundations Yessaya Mwakifulefule ambazo zitatumika kusaidia wahanga wa milipuko ya mabomu iliyotekea katika ghala la kambi ya jeshi la Wananchi Tanzania (JWTZ) Mbagala hivi karibuni. Msaada huo ulitolewa jijini Dar es Salaam jana. Wa pili kutoka (kulia) ni Afisa Maafa wa Chama cha Msalaba mwekundu Vivioliva Shoo na Mratibu wa Uhusiano wa Vodacom Mwanamvua Mlangwa.

Mkuu wa Mkoa wa Dar es Salaam Wiliam Lukuvi (kushoto) akipokea mfano wa hundi yenye thamani ya shilingi Milioni Ishirini kutoka kwa Meneja wa Vodacom Foundations Yessaya Mwakifulefule ambazo zitatumika kusaidia wahanga wa milipuko ya mabomu iliyotekea katika ghala la kambi ya jeshi la Wananchi Tanzania (JWTZ) Mbagala hivi karibuni. Msaada huo ulitolewa jijini Dar es Salaam jana.  Wa pili kutoka (kulia) ni Afisa Maafa wa Chama cha Msalaba mwekundu Vivioliva Shoo na Mratibu wa Uhusiano wa Vodacom Mwanamvua Mlangwa.

VODACOM TANZANIA YATOA MILIONI 20 KUSAIDIA WAATHIRIKA WA MABOMU MBAGALA

Kampuni ya simu za mkononi ya Vodacom Tanzania kupitia Mfuko wake wa kijamii wa Vodacom Foundation, umetoa msaada wa Milioni 20 ili kuboresha mahitimu ya wananchi waliopatwa na madhara ya kulipukiwa na mabomu Mbagala jijini. 

Akikabidhi msaada huo leo mjini hapa kwa Mkuu wa Mkoa wa Dares Salaam William Lukuvi, Meneja wa Mfuko huo Yessaya Mwakifulefule alisema kwamba msaada huo umetolewa kwasababu Vodacom wamegushwa na kusikitishwa sana kama Kampuni wakaona ni bora wachangie kidogo ili watu wasije kupata matatizo mengine zaidi ya haya yaliyotokea, Kama vile njaa au kipindupindu.

Alisema msaada huo una lenga kusaidia jamii nzima iliyopatwa na mkasa huo na kuisaidia serikali kama sekta binafsi siyo kuiachia serikali pekee kwenye janga kama hili lazima tuwe pamoja.  

    

Naye Mkuu wa Mkoa, akipokea msaada huo aliishukuru kampuni ya Vodacom kupitia mfuko wake huo. 

Alisema hivi sasa sera ya ushirikishwaji wa sekta binafsi katika kutoa misaada mbalimbali ya kuiokoa jamii kama Vodacom ni mfano wa kuigwa na mashirika mbalimbali ili waweze kuisaidia serikali na wananchi waliopatwa na janga hili kubwa.

“Serikali imeweka sera nzuri za uwekezaji ili kuhakikisha kwamba uwekezaji una kua na wawekezaji pia wanapata fursa ya kuchangia maendeleo ya sekta ya kijamii nchini’ 

Alisema makabidhiano hayo ni mfano hai kwamba sera ya kusaidia jamii serikali imefanikiwa kwani sekta binafsi hivi sasa imekuwa mstari wa mbele kuhakikisha kwamba Watanzania wengi wanapata haki sawa hata pale wanapopatwa na janga zito kama hili.