umoja wa waafrika waishio canada wasaidia hospitali ya kulandoto, Shinyanga

Bango la Hospitali ya Kolandoto iliyopo Shinyanga
Misaada ya mashine ya kusaidia huduma ya upasuaji na moja ya viti vya wagonjwa vikikabidhiwa rasmi. Toka shoto ni Dk. Emmanuel Mwandu, Mh Janet Kahama, Liliane Mackeja Sykes wa AF Canada aliyeleta misaada hiyo, Dk.Katani, Bishop John Nkola, na Mh. Dk. Mlingwa Mbunge wa Shinyanga.

Lilliane Mackeja Sykes akiwa na Dk Mwandu mbele ya mashine ya kusaidia upasuaji

Bishop John Mkola akitoa hati ya Shukrani kwa kinamama wa Canada waliotoa misaada hiyo.

Hospitali ya Kolandoto ambayo ilianzishwa mwaka 1913 na Wamishenari wa African Inland church Dr. Nina Maynard na mumewe Mchungaji Wiliam Maynard jana ilipatiwa msaada kutoka kwa kikundi cha umoja wa waafrika waishio Canada - African Fellowship Group.

Msaada huo kwa hospital hiyo kongwe mkoani Shinyanga, ulihusu vifaa mbalimbali vyenye thamani isiyopungua Shilingi Million Mia Mbili.

Vifaa hivyo ni pamoja na mashine mpya ya dawa ya usingizi yenye thamani ya Tshs 150 Milioni, vitanda 20 mahususi kwa hospitali viti 28 vya wagonjwa walemavu hundi ya US $ 6000 sawa na Tshs milioni sita, kusaidia ukarabati wa chumba cha upasuaji, zaidi ya vifaa 325 vya aina mbalimbali vya kusaidia shughuli za upasuaji na mashine nyingine.

Bi Lilian Mackeja Sykes ambaye ni Mwenyekiti wa kikundi hicho akiwa ameambatana na Dr. Sam Kwofie mweka hazina wa kikundi ni miongoni mwa wageni rasmi waliohudhuria tukio hilo.

Sherehe hiyo pia ilihudhuriwa na viongozi mbalimbali wakiwemo wabunge Mh. Dr. Charles Mlingwa mbunge wa Shinyanga mjini, Mh. Tungu Mpendazoe wa Kishapu, Mh. Joyce Machimu viti maalum Shinyanga, Mh. Janeth Kahama viti maalum Dar es salaam; Askofu Nkola wa Shinyanga, Dr. Emmanuel Mwandu, madaktari, wauguzi na wakazi wa maeneo jirani.

Bibi Lilian Mackeja Sykes ambaye alizaliwa Nkolandoto Hospital alistushwa na mazingira duni baada ya kufika hapo mwezi March 2008. akitembezwa na Dr. Emmanuel Mwandu alipata fursa ya kujua mahitaji na mapungufu hospitalini hapo.

Pamoja na kutekeleza dhamira ya msaada huo Bi. Lilian Mackeja Sykes, ana ukaribu mkubwa na Nkolandoto Hospitali. Nyanya mzaa mama yake, marehemu Anna Schubert Mackeja, alilelewa na waanzilishi wa hospitali hiyo na watoto wa Anna Schubert: mary Mackeja (marehemu) ambaye alikuwa katibu mkuu wa kwanza Tanzania Red Cross, Martha Jane Mtebe (mama Mzazi wa Lilian) Janeth Kahama (MB) na marehemu Charles Mackeja walizaliwa Kolandoto hospitali

Mnamo December 2008 kikundi hiki ilifanyika harambee kubwa huko Ottawa Canada na kufanikisha azma yake. Walioshiriki humo Mh. Peter Kallaghe balozi wa Tanzania, Balozi wa Afrika Kusini na mtoa misaada mashuhuri Bw. David Smith ambae alitoa sehemu kubwa ya vifaa vya hospitali. Sehemu ya fedha iliyokusanywa imetumika kusafirisha vifaa hivyo.

Kikundi cha African Fellowship Group chenye makao yake Ottawa Canada chaweza kupokea mawasiliano kwa

Email:

African_fellowshipott@yahoogroups.com