Mh. spika katika tamasha la nyimbo za injili mwanza

Mbunge wa Busega, Mhe. Raphael Chegeni akinadi saa yenye picha ya Spika katika tamasha la injili na Kusaidia walemavu jana katika uwanja wa CCM Kirumba. ambapo Jumla ya Tsh 49, 9850 zilipatikana baada ya wananchi kujichangisha kwa lengo la kumnunulia Spika Saa hiyo na fedha kutumika kusaidia walemavu mkoani Mwanza. Spika alikuwa mgeni rasmi katika Tamasha hilo.

Mhe. Chegeni akikusanya michango kwa ajili ya kununulia saa yenye picha ya Spika. Chini waimbaji wa injili wakimkabidhi Mh. Spika saa hiyo

Rose Mhando na kundi lake wakitumbuiza kwenye tamasha hilo

Spika wa Bunge Mhe. Samuel Sitta akipokea tuzo kutoka kwa waimbaji wa nyimbo za injili Tanzania ikiwa ni kutambua mchango wa Spika katika kuliongoza Bunge la Tanzania kwa ujasiri mkubwa haki na uadilifu chini ya kauli mbiu “kasi na viwango”. Spika alipewa tuzo hiyo jana mjini mwanza mara baada ya kualikwa kuwa mgeni rasmi katika tamasha la injili na kusaidia walemavu katika uwanja wa CCM kirumba – Mwanza. Toka kushoto ni John Shabani, afisa habari wa Christian Promoters ambaye ndio wadhamini wa tamasha hilo na Bi Stella Joel, Mwimbaji wa nyimbo za Injili.

Spika Akifurahia tuzo yake

Spika wa Bunge Mhe. Samuel Sitta akikabidhi Fulana, kofia na mafuta maalumu kwa ajili ya walemavu wa Ngozi, Miamvuli, na vyakula katika hafla iliyofanyika wakati tamasha la injili na kusaidia walemavu katika uwanja wa CCM kirumba – Mwanza. Spika alikuwa mgeni rasmi katika tukio hilo. Picha zote na Owen Mwandumbya wa Bunge