TIGO YATOA SHANGWE MSAADA WA BLANKET 500 HOSPITALI TANO MKOANI

Kushoto ni mfanyakazi wa Tigo wa Timu ya Mauzo Jenifer George Mwaipopo na kulia ni Redemtus Masanja Meneja Matanganzo Tigo wakimfariji mama Jane Ally mkazi wa Mbalazi mara baada ya wafanyakazi wa Tigo Kutembelea hospitali ya akina mama na watoto ya META mkoani Mbeya na kutoa msaada wa jumla wa mablanketi 500 kwenye hospitali tano mkoani humo.
wafanyakazi wa Tigo Mkoani Mbeya wakiongozwa na Redemtus Masanja (kulia) Meneja matangazo wa Tigo wakishusha na kukabidhi mablanketi kwa Profesa Joseph Mllaya (wa kwanza chini kushoto) ambaye ni Dactari Bingwa wa Magonjwa ya Kinamama wa Hospitali ya META mkoani Mbeya huku akisaidina kupokea shehena ya Mablanketi 200 kwa kwaajili ya Wadi za Wazazi hospitalini hapo.

Kampuni ya mawasiliano ya simu za mkononi Tigo wamefanya ziara katika hospitali mkoani mbeya na kugawa (Meta)na kutoa msaada wa mablanketi mia mbili katika Hospital ya Rufaa kitengo cha kinamama, na kugawa mengine mia tatu kwenye hospitali zingine tegemezi mkoani Mbeya zikiwemo Makandana iliyoko Tukuyu, hospital Mbozi, Hospital kuu ya rufaa pamoja na hospitali ya ItendE ya JKT mkoani humo.

Katika ziara hiyo uongozi wa Tigo kwa kushirikiana na wafanyakazi wake wa huduma kwa mteja na timu ya mauzo (direct Sales Team) wametembelea wazazi na watoto waliozaliwa na kutandika baadhi ya mablanketi katika vitanda vilivyokuwa wazi katika wadi za hospitali hizo.

Akizungumza wakati wa makabidhiano hayo Afisa Uhusiano na Mawasiliano wa Tigo Bw.Jackson Mbando ameueleza uongozi wa hospitali ya Rufaa Mbeya kitengo cha kinamama kuwa “lengo kuu la kampuni ya Tigo ni kutoa shukrani kwa wateja wake wote mkoani Mbeya na kudhihirisha kuwa tunawajali wateja kwa kuhakikisha wanakuwa na afya njema kwa njia ya kupambana na changamoto zinazokabili sekta ya afya.

Naye mkuu wa idara kitengo cha kinamama ambaye pia ni Daktari bingwa wa magonjwa ya kizazi na uzazi Profesa Joseph Mlay ametoa pongezi na shukrani kwa kampuni yaTigo kwa kuweza kutoa msaada huo na kueleza kuwa mablanketi hayo yatawasaidia wazazi wengi wanahudumiwa hospitalini hapo mara kwa mara.

“Kuna wakina mama wengi sana wanaojifungua hospitalini hapa META na tufahamu watoto wanahitaji sana joto la mama ili kuzuia magonjwa kama nimonia na kwa kuwa joto la mama peke yake halitoshi hasa kwa baridi kali mkoani Mbeya basi Tigo mmefanya vyema na niwapongeze kuwa mmelenga sehemu nzuri sana ya kuleta msaada huu.

Akiendelea kutoa shukrani kwa niaba ya mkurugenzi wa hospitali ya Rufaa amesema kampuni ya Tigo iendelee kutoa misaada zaidi ili kila kitanda kimoja kiweze kuwa na mablanketi manne au matano kwakuwa idadi ya vitanda hailingani na idadi ya wagonjwa.

Aidha amesema katika msimu huu wa mvua na baridi mablanketi mengi zaidi yanahitajika kwakuwa wazazi kati ya ishirini na tano na hamsini huzalishwa kwa siku.

Pia amewasihi wadau wengine wajitokeze kwa wingi katika kutoa misaada na kuomba kipaumbele wapewe Rufaa wadi ya watoto Mbeya,Rujewa hospitali na Makandana na Mbozi.

Kampuni ya tigo inaendelea na ziara yake mkoani Lindi na Mtwara hivi karibuni. msaada huo uliotolewa mkoani Mbeya utagharimu jumla ya shilingi milioni sita na laki tano.