ana kwa ana na binti mzindakaya, sister V

Violet Mzindakaya a.k.a Sister V

SWALI: Je utaweza kuwa mpiganaji katika siasa Kama baba yako manake baba yako ni mkongwe katika siasa toka enzi za hayati Mwl.Nyerere?

VIOLETH:Kwanza mpaka hapa ni mpiganaji kwa sababu nimejitahidi sana kumwangalia baba yangu nini anakifanya, mzee mzindakaya amefanya kazi na ana historia kubwa sana sina haja ya kuielezea kila mtu anatambua.

Ni mkongwe ndani ya chama na ni mkongwe katika uongozi wake kisiasa naendelea kusema kwamba sitaki kumwangusha yale yote aliyoyatenda mema mimi nitachukua kama yalivyo na kuyaendeleza kama binti yake ambaye naamini kabis kwamba katika muda wake wote huu aliokaa kwenye siasa bado nina kazi ya ziada ya kuendeleza kuweza kumfanya awepo na upiganaji unaanzia chini kwenda juu.

Nashukuru enzi za mwalimu nilikuwepo lakini nilikuwa bado mdogo Sana nilipata bahati ya kwenda butiama wakati huo mzee alikuwa ni mkuu wa mkoa wa kigoma nilipokuwa kwenye media pale sasa ndipo nilipoanza kumfahamu baba wa taifa vizuri. kadi yangu ya chama cha mapinduzi nimeipata mwaka 2000 nina miaka kumi sasa ndani ya CCM kuanzia vijana, na kadi zote za UWT na wazazi kwa hiyo upiganaji wangu mimi ndio umeanza rasmi na mzee mzindakaya kwenye halmashauri kuu ya mkoa akatangaza rasmi kwamba anastaafu kwa sasa akasema naoondoka.

Kwa hiyo hilo ni jukumu la sisi vijana wake kuendelea kuwemo kwenye siasa. mimi nitaendelea kulibeba jina lake na nitaendelea kuwa mwanasiasa ambaye kwa sasa hivi natumai ndio muda wangu muafaka kiumri na hata kwa nafasi ambayo nimeishika ni mdogo sana kuwa mjumbe wa halmashauri kuu ya taifa ni sio kitu kidogo ni kikao kikubwa sana cha chama chetu ambacho kinafanya maamuzi makubwa kabisa ya kitaifa kuchagua viongozi ambao ndio wanakuja kuwa wawakilishi wetu wabunge kwa hiyo si kazi ndogo kwa hiyo nitaendelea kwa kuyafanya yote aliyoyacha katika mustakabali ambao ni mzuri wa maadili na miiko ya viongozi wetu sisi hasa wa CCM.

kwa intavyuu yote

BOFYA HAPA