ilani ya uendelezaji wa eneo la soko matola, mbeya

Barabara itokayo katikati ya jiji la Mbeya kuelekea eneo la Soko Matola ambako Halmashauri ya Jiji hilo linataka kuliendeleza kwa kuondoa mbavu za mbwa na kujenga maghorofa.

Na Ripota wetu, Mbeya

Globu ya Jamii ilibahatika kuoneshwa barua hii inayompa mhusika notisi ya kujenga nyumba ya ghorofa kuanzia moja hadi sita, kama hana ubavu aondoke apishe wenye uwezo.

Uchunguzi wetu umebaini kuna manung'uniko mengi toka kwa wadau wahusika, kwani si wote wenye uwezo wa kujenga nyumba ya ghorofa, na kwamba hata wakilipwa fidia haitosaidia sana kwani itabidi wahamie nje kabisa ya jiji maana viwanja sio tu haba bali ghali mno jijiniMbeya.

Wengine wameeleza wasiwasi wao kuhusu hatua hiyo, wakihoji endapo Serikali kuu inajua na nani na lini azimio hilo limepitishwa, wakidai kuwa wengine wamepewa barua hii katika siku ya mwisho na sio miezi mitatu kabla.

Globu ya Jamii inafuatilia sakata hili kwa ukaribu na itatoa maelezokilayatapotatikana.