libeneke la BBC lazinduliwa upya

Salaam ndugu wote,
Idhaa ya Kiswahili ya BBC leo, Jumatano 28/04/2010 imezindua upya tovuti yake, bbcswahili.com baada ya kuifanyia marekebisho makubwa ya kiuhariri na kiufundi. Tovuti imepata mwonekano mpana zaidi (fomati ya 1024 pixel wide), vile vile sasa ina hadhi ya medianwai (multimedia).

Kuanzia sasa itakuwa na taarifa nyingi za habari na michezo, uchambuzi na makala; lakini kikubwa zaidi ni kwamba utaweza kutazama video na kusikiliza makala kwa nafasi nzuri.

Mapya yatakayokuja hivi karibuni ni kurasa maalum za kombe la dunia na uchaguzi mkuu wa Tanzania.

Kazi ya marekebisho bado inaendelea, tunakaribisha maoni ya wasomaji na wasikilizaji wetu, tuweze kunogesha tovuti iliyosanifiwa kukidhi matakwa ya watumiaji.

Hassan Mhelela

Mratibu

Idhaa ya Kiswahili ya BBC