Mwenyekiti wa baraza la wawakilishi zanzibar atembelea Washington DC

Mhe. Ali Mzee (kulia) akijadili jambo na Seneta Rowland Burris wa jimbo la Illinois(Chicago)ambalo kabla ya hapo lilikuwa linashikiliwa na Rais Obama kabla ya kuwa Rais wa Marekani.

Mhe. Ali Mzee, ambaye ni Mwenyekiti wa Baraza la Wawakilishi Zanzibar alikuwa ziarani Washington DC, Marekani, hivi karibuni ambapo alipata fursa ya kukutana na kufanya mazungumzo na viongozi mbali mbali wa Serikali ya Marekani, kutembelea Bunge na Baraza la Wawakilishi la Marekani, na kutembelea makazi ya Rais wa Marekani ya White House katika ziara ambayo aliandaliwa mahususi na Wizara ya Mambo ya Nje ya Marekani. Mazungumzo yake yalikuwa ni elimu kubwa kwa viongozi wa Marekani kuelewa historia ya Zanzibar na Tanzania pamoja na maridhiano ya vyama vya CCM na CUF.

Mhe. Ali Mzee (kulia), Seneta Burris (kati) na Bw.Suleiman Saleh (shoto) afisa katika Ubalozi wa Tanzania jijini Washington DC.
Mhe. Ali Mzee (pili kulia) akiwa White House na Bw. Suleiman Saleh (kulia) na Bw. Mkama (pili shoto) pamoja na ofisa wa Ikulu hiyo ya Marekani.